జీవితాంతం టీకాలు.. చిన్నప్పుడే కాదు

డాక్టర్ బాబు ఎస్. మదర్కర్, కిమ్స్ కడల్స్ 

హైదరాబాద్, ఏప్రిల్ 23 (విజయక్రాంతి): ప్రతి సంవత్సరం ఏప్రిల్ చివరి వారంలో ప్రపంచం వైద్య రంగంలోని అతి గొప్ప వరమైన టీకాలను గుర్తు చేసుకుంటుంది. ఏప్రిల్ 24 నుంచి 30 వరకు నిర్వహించే ప్రపంచ రోగనిరోధక వారోత్సవం ఒక సాధారణ ఆరోగ్య కార్యక్రమం మాత్రమే కాదు.‘టీకా వేయించుకోవాలా? వద్దా’? అనే ఒక్క నిర్ణయంపై కోట్లాది ప్రాణాలు ఆధారపడి ఉన్నాయని గుర్తు చేసే అత్యవసర హె చ్చరిక. అత్యంత సున్నితమైన నూతన శిశువుల చికిత్సలో పనిచేసే వైద్యునిగా, నేను ఈ మాటలు పుస్తకాల నుంచి కాదు వార్డుల నుంచి, ఇన్క్యూబేటర్ల నుంచి, నివారించగలిగిన మరణాల బాధ నుంచి చెబుతున్నాను.

మనం సాధారణంగా తీసుకుంటున్న అద్భు తం టీకాలు లేని ప్రపంచాన్ని ఊహించండి. రెండేళ్లు కూడా నిండక ముందే పిల్లలను పక్షవాతం చేసే పోలియో.. పాఠశాలల్లో వ్యాపిం చి కంటి చూపు, మెదడు నష్టం కలిగించే మిజిల్స్.. పుట్టిన కొద్ది రోజుల్లోనే ప్రాణాలు తీసే టెటనస్.. ఇవి కథలు కావు కొద్దికాలం క్రితం వరకు ఇవే నిజాలు. ఇంకా టీకాలు తక్కువగా ఉన్న ప్రాంతాల్లో ఇవి ముప్పుగానే ఉన్నాయి. ప్రపంచ ఆరోగ్య సంస్థ అంచనాల ప్రకారం, టీకాలు ప్రతి సంవత్సరం 35 లక్షల నుంచి 50 లక్షల ప్రాణాలను కాపాడుతున్నాయి. కోట్లాది పిల్లలు, పెద్దలు ఇంకా అవసరమైన టీకాలు పొం దడం లేదు.

భారతదేశంలో టీకాల పరిస్థితి: భారతదేశం టీకా కార్యక్రమాల్లో మంచి పురోగతి సాధించినా ఇంకా పెద్ద ఖాళీలు ఉన్నాయి. యూనివర్సల్ ఇమ్యునైజేషన్ ప్రోగ్రామ్ ద్వారా 12 వ్యాధుల నుంచి రక్షణ కల్పిస్తున్నారు.

పురోగతి:

డీటీపీ-1 టీకా కవరేజ్ 93% జీరో-డోస్ పిల్లలు గణనీయంగా తగ్గింపు

మిషన్ ఇంద్రధనుష్ ద్వారా 18.5% పెరుగుదల

ఆందోళన కలిగించే అంశాలు:

కేవలం 76.4% పిల్లలకే పూర్తి టీకాలు 2024లో 9 లక్షలకుపైగా పిల్లలు టీకాలు లేకుండా పట్టణ స్లమ్స్, గిరిజన ప్రాంతాలు, వలస కార్మికుల్లో లోపాలు సోషల్ మీడియా తప్పుదారి చూపే సమాచారం ప్రభావం.

పెద్దల టీకాలు కనిపించని సంక్షోభం

పిల్లల టీకాలు మెరుగ్గా ఉన్నా, పెద్దల టీకాలు దాదాపు నిర్లక్ష్యం చేయబడ్డాయి.

వృద్ధుల్లో ఫ్లూటీకా కేవలం 0.10.4% 4 5 ఏళ్లు పైబడిన వారిలో టీకాలు 2% పెద్ద లకు ప్రత్యేక జాతీయ కార్యక్రమం లేదు. 

నూతన శిశువుల భద్రత

పుట్టిన శిశువుల రోగనిరోధక శక్తి ఇంకా అభివృద్ధి చెందలేదు. ఈ సమయంలో టీకా లు ప్రాణ రక్షణగా పనిచేస్తాయి.హెపటైటిస్-బి, బీసీజీ, పోలియో, పెంటావాలెంట్, రోటా వైరస్, న్యూమోకాకల్ టీకాలు ఇవన్నీ జీవన రక్షక కవచం.

ప్రతి పెద్ద తెలుసుకోవాల్సిన టీకాలు

ఫ్లూ ప్రతి సంవత్సరం టైఫాయిడ్ ప్రతి 2-3 సంవత్సరాలకు న్యూమోకాకల్ 60 పైబడిన వారికి టిటెనస్ బూస్టర్ 10 ఏళ్లకు ఒకసారి హెపటైటిస్-బి టీకా లేకపోతే తప్పనిసరి హెచ్ పీవీ  45 ఏళ్ల వరకు  షింగిల్స్ 60 పైబడిన వారికి కోవిడ్ తాజా బూస్టర్లు

కోకూన్ స్ట్రాటజీ: శిశువును రక్షించాలంటే కుటుంబ సభ్యులందరూ టీకాలు తీ సుకోవాలి. తల్లిదండ్రులు, పెద్దలు టీకాలు వేయించుకుంటే శిశువుకు వ్యాధులు సంక్రమించే ప్రమాదం తగ్గుతుంది.

అపోహలు.. నిజాలు

అపోహ: నేను ఆరోగ్యంగా ఉన్నాను, టీకాలు అవసరం లేదు

నిజం: ఆరోగ్యంగా ఉండటానికి టీకాలు అవసరం

అపోహ: టీకాలు పిల్లలకే

నిజం: జీవితాంతం అవసరం

అపోహ: ఒకసారి టైఫాయిడ్ వచ్చింది, మళ్లీ రాదు

నిజం: మళ్లీ వచ్చే ప్రమాదం ఉంది

భారత్ చేయాల్సిన పనులు

పెద్దల టీకాల కోసం జాతీయ కార్యక్రమం, ప్రతి ఆరోగ్య కేంద్రంలో టీకా సమీక్ష, ఆరోగ్య సిబ్బందికి అవగాహన, పెద్దల టీకా రిజిస్ట్రేషన్ వ్యవస్థ

ఈ వారం మీరు చేయాల్సింది

-మీ పిల్లల టీకాలు పూర్తి చేశారా చూడం డి - టీకా చరిత్ర పరిశీలించండి. - 60 పైబడితే ఫ్లూ, న్యూమోకాకల్ గూర్చి అడగండి. --గర్భిణులు టిడాప్ తీసుకోవాలి.వైద్య సిబ్బంది హెపటైటిస్-బి నిర్ధారించుకోవాలి. -సోషల్ మీ డియాలో నిజమైన సమాచారం పంచండి.

‘పిల్లలను రక్షించడానికి మనం గోడ ని ర్మించాం. కానీ దాన్ని పూర్తిచేయడం మర్చిపోయాం. పెద్దల టీకాలు ఆ గోడను పూర్తి చేయడమే’.

డా. బాబు ఎస్. మదర్కర్

క్లినికల్ డైరెక్టర్ కన్సల్టెంట్ నీయోనటాలజిస్ట్ అండ్ పిల్లల వైద్య నిపుణుడు

కిమ్స్ కడల్స్, సికింద్రాబాద్