రోడ్డుపై బైఠాయించి ధర్నా చేసిన గ్రామస్తులు

వెల్దుర్తి, నవంబర్ 30 : ప్రభుత్వాలు మారినా.. పాలకులు మారినా నాలుగు దశాబ్దాలుగా రోడ్డు బాగు చేయడం లేదని, తమ గ్రామానికి రోడ్డు బాగు చేయకుంటే ఎన్నికలు బహిష్కరిస్తామని గ్రామస్తులు హెచ్చరి స్తూ ధర్నా చేశారు. వెల్దుర్తి మండల కేంద్రం నుండి మెదక్ జిల్లా కేంద్రం వరకు ఉన్న రోడ్డును బాగు చేయకుంటే ఎన్నికలను బ హిష్కరిస్తామని మండలంలోని ముఖ్యమైన నాలుగు గ్రామాలైన రామయపల్లి, బండపోసంపల్లి, ఎదుల్లపల్లి,శెట్టిపల్లి కలాన్ ప్రజలం దరూ ముక్కుమ్మడిగా ఆదివారం ప్రధాన రహదారి మీద ధర్నా చేయడం జరిగింది.

ఇటు మండల కేంద్రానికి అటు జిల్లా కేంద్రానికి సమీపాన ఉన్న ఈ గ్రామాల ప్రజలు ఈ రోడ్డు వల్ల చాలా ఇబ్బందులు పడుతున్నామని ఆవేదన వ్యక్తం చేశారు. ఇంతకు ముందు అధికారులకు, పాలకులకు, ప్రభుత్వలకు ఎన్నో వినతి పత్రాలు అందించినా పట్టించుకోవడం లేదని ఆవేదన వ్యక్తం చేశారు. రోడ్డంతా పూర్తిగా ధ్వంసమై పెద్ద పెద్ద గుంతలు పడి ప్రమాదకరంగా మారి ఈ రోడ్డు గుండా ప్రయాణించిన నలుగురు వ్యక్తులు మరణించిన దాఖలాలు ఉన్నాయని గుర్తు చేశారు.

ఈ నాలుగు గ్రామాల కు పెళ్లి కోసమని ఆడపిల్లలను ఇవ్వడానికి కూడా సంకోచిస్తున్నారన్నారు. ఈ రోడ్డు దుస్థితి కారణంగా అటు స్కూల్ బస్సులు వెళ్లడం కూడా ఇబ్బందిగా మారి సరైన టైంలో పాఠశాలలకు, జిల్లా కేంద్రానికి చేరుకోవడం లేదని వాపోయారు. అధికారులు వెంటనే స్పందించి రోడ్డు గురించి హామీ ఇస్తేనే ఎన్నికలకు వెళ్తామని  డిమాండ్ చేశా రు. ఈ కార్యక్రమంలో నాలుగు గ్రామ ప్రజలు, నాయకులు పాల్గొన్నారు.