యోలో స్టూడెంట్ సమ్మిట్ ఎడిషన్ ప్రారంభం

ప్రీమియా అకాడమీ ఆధ్వర్యంలో మూడవ కార్యక్రమ నిర్వహణ

హైదరాబాద్, ఆగస్టు 7 (విజయక్రాంతి): వేగంగా మారుతున్న ప్రపంచంలో రాణించేందుకు అవసరమైన నైపుణ్యాలను పెంపొందించుకో వడం, భవిష్యత్ వృత్తి మార్గాలను కనుగొనడం, వారి సామర్థ్యాలను అన్వేషించడంలో సహాయపడేలా రూపొందించిన రెండు రోజుల సమగ్ర అనుభవం కో సం, 8 నుంచి 12వ తరగతి విద్యార్థులను ఒకచోట చేర్చే తన ప్రతిష్ఠాత్మక ‘యోలో స్టూడెంట్ సమ్మిట్’ మూడవ ఎడిషన్‌ను ప్రీ మియా అకాడమీ ప్రారంభించింది.

ఈ సమిట్‌ను ముఖ్య అతిథి, కోరుట్ల ఎమ్మెల్యే డాక్టర్ సంజయ్ కల్వకుంట్ల ప్రారంభించారు. రేపటి వృత్తులకు సిద్ధమవుతున్న విద్యార్థులు ఉ త్సుకత, ఆవిష్కరణ, నిరంతర అభ్యాసాన్ని అలవర్చుకోవాలని ఆయన ప్రోత్సహించా రు. గత సంచికల విజయం ఆధారంగా, ఈ సంవత్సరం యోలో సమ్మిట్‌ను విద్యార్థులు తరగతి గది అభ్యాసాన్ని దాటి, నిజ ప్రపంచ సవాళ్లను నేరుగా ఎదుర్కొనేందుకు ఒక ఆచరణాత్మక వేదికగా రూపొందించారు.

సదస్సు మొదటి రోజు, ఆలోచనలను ఆచరణలోకి మార్చడంపై దృష్టి సారించడంతో పాటు, రోజురోజుకు సాంకేతికత ప్రాధాన్యత సంతరించుకుంటున్న ప్రపంచంలో విజయం సాధించడానికి అవసరమైన ఆలోచనా విధానాన్ని, నైపుణ్యాలను విద్యార్థులకు పరిచ యం చేసింది. ఈ సదస్సు గురించి ప్రీమి యా అకాడమీ వ్యవస్థాపకురాలు సింధూరి రెడ్డి మాట్లాడుతూ పరిస్థితులకు అనుగుణం గా మారగల, నూతన ఆవిష్కరణలు చేయగల, ఆత్మవిశ్వాసంతో నాయకత్వం వహిం చగల వారిదే భవిష్యత్తు.

యోలో సమ్మిట్ ద్వారా, మేము విద్యార్థులకు కెరీర్ సలహాల కంటే ఎంతో విలువైనదాన్ని అందిస్తున్నామన్నారు. వారిలో స్పష్టత, ధైర్యం, దృఢ విశ్వా సాన్ని పెంపొందించే అనుభవాలను అందిస్తున్నామని తెలిపారు. ప్రీమియా అకాడమీ ప్రిన్సిపాల్ తృప్తి రావు మాట్లాడుతూ మొదటి రోజు మేము చూసిన ఉత్సాహం, నిమగ్నత, యువ అభ్యాసకులు అన్వేషించడానికి, ప్రశ్నించడానికి, కనుగొనడానికి ఆసక్తిగా ఉన్నారని పునరుద్ఘాటిస్తున్నాయి.. యోలో సమ్మిట్ సరిగ్గా అలాంటి వేదికనే అందించి, వారు ఆత్మవిశ్వాసంతో సమాచారంతో కూడిన నిర్ణయాలు తీసుకునేలా వీలు కల్పిస్తుంది అని అన్నారు.