మస్క్ యూటర్న్
సైబర్‌ట్రక్ తయారీకి బ్రేక్ పడినట్టేనా? మస్క్ కొత్త ప్రకటన!
టెస్లా సైబర్‌ట్రక్ ఉత్పత్తిపై ఎలాన్ మస్క్ మరో కీలక నిర్ణయం తీసుకున్నారు. 2027 మధ్యలోనే ఈ వాహనం తయారీని నిలిపివేస్తామని గతంలో ప్రకటించిన ఆయన.. తాజాగా తన నిర్ణయాన్ని మార్చుకున్నారు. 2027 వేసవి చివరి వరకు Cybertruck Production కొనసాగిస్తామని వెల్లడించారు. పెండింగ్‌లో ఉన్న ఆర్డర్లను పూర్తి చేసేందుకు ఈ గడువు పొడిగించినట్లు తెలుస్తోంది. టెక్సాస్‌లోని Tesla Gigafactoryలో సైబర్‌ట్రక్ తయారీని క్రమంగా తగ్గించి, దాని స్థానంలో Cybercab ఉత్పత్తిని పెంచాలని కంపెనీ ప్రణాళికలు సిద్ధం చేస్తోంది. Cybercab అనేది డ్రైవర్ అవసరం లేకుండా ప్రయాణించేలా రూపొందిస్తున్న Robotaxi వాహనం. అయితే సైబర్‌ట్రక్ కోసం ఇంకా వేలాది ఆర్డర్లు పెండింగ్‌లో ఉండటంతో వాటిని పూర్తి చేయడానికి మరికొంత సమయం ఇవ్వాలని మస్క్ భావించారు. లేకపోతే వాహనాలు అందించలేని కస్టమర్లకు Booking సమయంలో చెల్లించిన Deposit మొత్తాన్ని తిరిగి ఇవ్వాల్సి వస్తుంది.
లాభాలు ముఖ్యం కాదు.. మస్క్ ఏమన్నారంటే?
ఉత్పత్తిని మరికొంతకాలం కొనసాగించడం వల్ల కంపెనీకి పెద్దగా ఆర్థిక ప్రయోజనం ఉండకపోవచ్చని మస్క్ అంగీకరించారు. Profitability కోణంలో చూస్తే ఇది అత్యంత తెలివైన Business Decision కాకపోవచ్చని, అయినప్పటికీ వ్యాపారంలో కొంత భావోద్వేగానికి కూడా చోటు ఉండాలని X వేదికగా పేర్కొన్నారు. దీంతో సైబర్‌ట్రక్ తయారీపై ఆయన తీసుకున్న తాజా నిర్ణయం చర్చనీయాంశంగా మారింది. సైబర్‌ట్రక్ ప్రత్యేకమైన Stainless Steel Body, భిన్నమైన Futuristic Designతో వాహన ప్రియులను ఆకట్టుకున్నప్పటికీ, అమ్మకాలు మాత్రం టెస్లా ఆశించిన స్థాయిలో లేవు. ప్రారంభంలో ఏడాదికి 2.5 లక్షల వాహనాలను విక్రయించాలని కంపెనీ లక్ష్యంగా పెట్టుకుంది. కానీ 2023 చివర్లో Deliveries ప్రారంభమైనప్పటి నుంచి ఇప్పటివరకు మొత్తం అమ్మకాలు సుమారు 70 వేల యూనిట్లేనని పరిశ్రమ అంచనాలు చెబుతున్నాయి. దీంతో టెస్లా తన Sales Targetను అందుకోలేకపోయింది.
సైబర్‌ట్రక్ కోసం అభిమానుల పిటిషన్
ఉత్పత్తి నిలిపివేయాలన్న ఆలోచనపై సైబర్‌ట్రక్ అభిమానులు, యజమానుల నుంచి వ్యతిరేకత వ్యక్తమైంది. తయారీ కొనసాగించాలని కోరుతూ 5,000 మందికి పైగా పిటిషన్‌పై సంతకాలు చేశారు. మరోవైపు టెస్లా వాహనాలకు Accessories తయారు చేసే Unplugged Performance సంస్థ కూడా పెట్టుబడిదారుల సహకారంతో సైబర్‌ట్రక్ ఉత్పత్తిని తామే చేపట్టే అవకాశాలను పరిశీలిస్తోంది. అయితే 2027 వేసవి తర్వాత కూడా ఈ వాహనం తయారీ కొనసాగుతుందా లేదా అన్నదానిపై టెస్లా ఇంకా స్పష్టత ఇవ్వలేదు.
