ఎల్‌ఐసీ ఆధ్వర్యంలో ఘనంగా యోగా డే

హైదరాబాద్ సిటీబ్యూరో, జూన్ 21 (విజయక్రాంతి) : లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్‌ఐసి) హైదరాబాద్ జోనల్ ట్రైనింగ్ సెంటర్ క్యాంపస్‌లో అంతర్జాతీయ యోగా డే శుక్రవారం ఘనంగా జరిగింది. ఈ సందర్భంగా రీజినల్ మేనేజర్ జీబీవీ రామయ్య మాట్లాడుతూ.. ఈ సంవత్సరం సమాజం కోసం యోగా అనే థీమ్‌తో అంతర్జాతీయ యోగా దినోత్సవం జరుపుకుంటున్నట్టు తెలిపారు. యోగాపై ప్రతి ఒక్కరూ అవగాహన పెంపొందించుకోవాలన్నారు. యోగా గురువు కరుణాకర్, ఎల్‌ఐసీ సీనియర్ అధికారులు కె. థామస్, రాజీబ్ బిస్వాస్, జి. మధుసూధన్, ప్రమోద్ కుమార్ సాహూ, ఆర్. శరవణన్ తదితరులు పాల్గొన్నారు. ప్రతిరోజూ ఉదయం 5.30 నుంచి 6.30 గంటల వరకూ ఇందిరాపార్కు లో జరిగే ఉచిత యోగా శిక్షణ తరగతులను ఎల్‌ఐసి స్పాన్సర్ చేస్తుందన్నారు.