భావోద్వేగాల కుబేర

ధనుష్, నాగార్జున, రష్మిక మందన్నా, జిమ్ సార్బ్ వంటి ప్రముఖ తారాగాణంతో  దర్శకుడు శేఖర్ కమ్ముల తెరకెక్కిస్తున్న సినిమా ‘కుబేర’. భావోద్వేగాలే ప్రధానంగా ఆకట్టుకునే డ్రామా, గ్రాండ్ విజువల్స్‌తో రూపుదిద్దుకుంటున్న బహుభాషా ప్రాజెక్ట్ ఇది. జూన్ 20న విడుదల కానున్న ఈ చిత్రం పోస్ట్‌ప్రొడక్షన్ పనులు జరుపుకుంటోంది. మరో 45 రోజుల్లో ఈ సినిమా ప్రేక్ష కుల ముందుకు రానుందన్న విషయాన్ని గుర్తుచేస్తూ మేకర్స్..

ఓ కొత్త పోస్టర్‌ను రిలీజ్ చేశారు. ఈ కొత్త పోస్టర్‌ను ధనుష్, రష్మిక మందన్న సరదా కబుర్లు చెప్పుకుంటూ, చిరునవ్వులు చిందిస్తూ ఆకట్టుకుంటున్నారు. శ్రీ వేంకటేశ్వర సినిమాస్ ఎల్‌ఎల్‌పీ, అమిగోస్ క్రియేషన్స్ ప్రైవేట్ లిమిటెడ్ పతాకా లపై సునీల్ నారంగ్, పుస్కూర్ రామ్‌మోహన్‌రావు ఈ చిత్రాన్ని నిర్మిస్తున్నారు.