సూర్యాపేట,(విజయక్రాంతి): ప్రభుత్వ పాఠశాలలో చదువుతున్న విద్యార్థులకి నాణ్యమైన భోజనం అందించాలని జిల్లా అదనపు కలెక్టర్ పి రాంబాబు తెలిపారు. శనివారం సూర్యాపేట పట్టణంలోని జిల్లా పరిషత్ బాలికల ఉన్నత పాఠశాలను ఆయన ఆకస్మిక తనిఖీ చేశారు. ఈ సందర్భంగా స్టాక్ రూమ్ లో ఉన్న బియ్యం, స్టాక్ రిజిస్టర్ ను పరిశీలించారు. అనంతరం ఆయన మాట్లాడుతూ విద్యార్థులు ఆరోగ్యంగా ఉన్నప్పుడు మాత్రమే చెప్పిన పాఠాలను అవగాహన చేసుకోగలుగుతారన్నారు. కాలవారికి నాణ్యమైన ఆహారంలో అందించాలని సూచించారు.

తదుపరి పట్టణం లోని తాళ్లగడ్డలో ఉన్న టి జీ ఎస్ డబ్ల్యూ ఆర్ ఈ ఐ ఎస్ లో నిర్వహిస్తున్న హెల్త్ క్యాంపు ని సందర్శించారు. ఈ సందర్బంగా విద్యార్థుల హెల్త్ చెకప్ జాగ్రత్తగా చేయాలని సూచించారు. అలాగే విద్యార్థులకి మధ్యాహ్న భోజనం లో భాగంగా వండిన అన్నం నాణ్యత, అలాగే స్టాక్ వివరాలు, కూరగాయలు పరిశీలించారు. ఈ కార్యక్రమం లో ప్రధాన ఉపాధ్యాయురాలు నాగరాణి, టి జీ ఎస్ డబ్ల్యూ ఆర్ ఈ ఐ ఎస్ ప్రిన్సిపల్ విద్యాసాగర్, ఉపాధ్యాయులు యాదయ్య, వెంకటేశ్వర్లు,ఆర్ ఐ శ్రీధర్,జడ్పీ హెచ్ ఎస్ జూనియర్ అసిస్టెంట్లు సోమలక్ష్మి, ఫాతిమ సుల్తాన తదితరులు పాల్గొన్నారు.