30 ఏళ్లుగా సొంత భవనం కరువు.. వర్షాకాలంలో అంగన్‌వాడీ చిన్నారుల చదువు ఎక్కడ?

1. 30 ఏళ్లుగా సొంత భవనం కరువు వర్షంలో బడి ఎక్కడ?
2. ఈనెల 30లోపు ఖాళీ చేయాలని ఆదేశం టీచర్ ఎం.వరలక్ష్మి టీచర్ రమాప్రభ ఆవేదన

చర్ల: జూన్ 21 (విజయక్రాంతి) :చర్ల మండలం కొత్తపల్లి గ్రామంలోని అంగన్‌వాడీ కేంద్రం 30 ఏళ్లుగా సొంత భవనం లేక ప్రభుత్వ పాఠశాల గదిలో నడుస్తోంది. ఈనెల 30లోపు గది ఖాళీ చేయాలని ఆదేశాలు రావడంతో వర్షాకాలంలో చిన్నారుల చదువు ఎలా కొనసాగుతుందనే ఆందోళన తల్లిదండ్రులు, గ్రామస్తుల్లో వ్యక్తమవుతోంది.

30 ఏళ్లుగా భవనం లేదు.. ఇప్పుడు గది కూడా ఖాళీ చేయాలట! వర్షంలో అంగన్‌వాడీ చిన్నారుల పరిస్థితి ఏంటి?

గుడికి స్థలం ఉంది, బడికి లేదు  

కొత్తపల్లి గ్రామస్తులు గుడి నిర్మాణానికి విరాళాలు వేసుకొని స్థలాలు కొనుగోలు చేశారు. కానీ అంగన్వాడీ భవనం కోసం మాత్రం స్థలం ఇచ్చేందుకు ఎవరూ ముందుకు రావడం లేదు. గ్రామంలో సొంత స్థలం ఇస్తే ప్రభుత్వం భవనం మంజూరు చేస్తామని చెబుతున్నా ఫలితం లేదు. 

‘అంబేద్కర్ గారు చెప్పినట్టు గుడులు కడితే బిచ్చగాళ్లు, బడులు కడితే మేధావులు తయారవుతారు. కానీ మా ఊర్లో చదువు విలువ తెలిసిన వారు తక్కువ. ఎక్కువ మంది వ్యవసాయదారులే. అందుకే పిల్లల భవిష్యత్తు పట్టించుకునే వారు లేరు‘ అని స్థానికులు వాపోతున్నారు.

మరిన్ని హైదరాబాద్ వార్తల కోసం మా విజయక్రాంతి న్యూస్‌ హోమ్‌పేజ్‌ను సందర్శించండి.

అధికారులు, ఎమ్మెల్యే దాకా ఫిర్యాదు  

ఈ సమస్యపై ఎం.వరలక్ష్మి ఎమ్మార్వో, ఎంపీడీవో, ఎంఈఓ నుంచి స్థానిక ఎమ్మెల్యే వరకు పలుమార్లు విన్నవించారు. అయినా ఇప్పటివరకు పరిష్కారం కరువైంది. వర్షాకాలం మొదలైంది. ప్రత్యామ్నాయ గది లేకపోవడంతో పిల్లలను ఎక్కడ కూర్చోబెట్టి కేంద్రం నిర్వహించాలో తెలియక టీచర్ సతమతమవుతున్నారు.

ఐసీడీఎస్ నిబంధనల ప్రకారం  

అంగన్వాడీ కేంద్రానికి సొంత భవనం లేనప్పుడు గ్రామ పంచాయతీ స్థలం కేటాయించాలి. ఐసీడీఎస్ ప్రాజెక్ట్ అధికారి తాత్కాలిక షెడ్ ఏర్పాటు చేయించాలి. జిల్లా కలెక్టర్ వెంటనే స్పందించి కొత్తపల్లి గ్రామంలో అంగన్వాడీ రెండవ సెంటర్కు తాత్కాలిక స్థలం, భవనం మంజూరు చేయాలని గ్రామస్తులు, తల్లిదండ్రులు కోరుతున్నారు. ప్రభుత్వం ‘పోషణ్ అభియాన్‘, ‘బాలల సంరక్షణ‘ గురించి గొప్పలు చెబుతుంది. మొదటి మెట్టు అయిన అంగన్వాడీ కేంద్రాలకే పునాదులు లేకపోవడం విడ్డూరం. ఈనెల 30 తర్వాత వర్షంలో తడిస్తూనే పిల్లలకు చదువు చెప్పాల్సిన పరిస్థితి టీచర్ వరలక్ష్మికి, రెండవ సెంటర్ రమాప్రభ కి  ఎదురుకానుంది.

ఇలాంటి అంగన్‌వాడీ కేంద్రాల తాజా వార్తలు  కోసం మా విజయక్రాంతి న్యూస్‌ హోమ్‌పేజ్‌ను సందర్శించండి.

Q1. కొత్తపల్లి అంగన్‌వాడీ సమస్య ఏమిటి?

30 ఏళ్లుగా సొంత భవనం లేక ప్రభుత్వ పాఠశాల గదిలో నడుస్తున్న అంగన్‌వాడీ కేంద్రాన్ని ఖాళీ చేయాలని ఆదేశాలు రావడంతో చిన్నారుల చదువుపై అనిశ్చితి నెలకొంది.

Q2. అంగన్‌వాడీకి సొంత భవనం ఎందుకు లేదు?

గ్రామంలో భూమి కేటాయింపు లేకపోవడంతో ప్రభుత్వం భవనం మంజూరు చేయలేకపోయింది.

Q3. వర్షాకాలంలో చిన్నారుల పరిస్థితి ఎలా ఉంటుంది?

ప్రత్యామ్నాయ భవనం లేకపోతే వర్షంలోనే తరగతులు నిర్వహించాల్సిన పరిస్థితి ఏర్పడే అవకాశం ఉంది.

Q4. ఐసీడీఎస్ నిబంధనలు ఏమంటాయి?

సొంత భవనం లేనప్పుడు గ్రామ పంచాయతీ స్థలం కేటాయించడం లేదా తాత్కాలిక షెడ్ ఏర్పాటు చేయాలని ఐసీడీఎస్ నిబంధనలు సూచిస్తున్నాయి.

Q5. అధికారులు ఏ చర్యలు తీసుకోవాలి?

జిల్లా కలెక్టర్, ఐసీడీఎస్ అధికారులు తాత్కాలిక భవనం ఏర్పాటు చేసి, శాశ్వత అంగన్‌వాడీ భవనాన్ని మంజూరు చేయాలని గ్రామస్తులు కోరుతున్నారు.