పాట్నా: 1995 నాటి హత్య కేసులో బీహార్ ఉప ముఖ్యమంత్రి సామ్రాట్ చౌదరి(Bihar Deputy CM Samrat Chaudhary) సుప్రీంకోర్టు(Supreme Court) ముందు తన వయస్సు గురించి తప్పుడు సమాచారం చెప్పి విచారణ నుండి తప్పించుకున్నారని జాన్ సురాజ్ పార్టీ వ్యవస్థాపకుడు ప్రశాంత్ కిషోర్(Jan Suraj Party founder Prashant Kishor) సోమవారం ఆరోపించారు. ఈ సందర్భంగా కిషోర్ మాట్లాడుతూ... 1995లో ముంగేర్ జిల్లాలోని తారాపూర్ పోలీస్ స్టేషన్ పరిధిలో ఆరుగురు వ్యక్తుల హత్యకు సంబంధించి రాకేష్ కుమార్ మౌర్య అని పిలువబడే సామ్రాట్ చౌదరిపై కేసు నమోదు చేయబడింది. సంఘటన జరిగిన సమయంలో తనకు కేవలం 15 ఏళ్ల అని కోర్టు నుండి ఉపశమనం పొందాడు.

2020 అసెంబ్లీ ఎన్నికల అఫిడవిట్‌లో తన వయస్సు 51 సంవత్సరాలుగా చౌదరి నమోదు చేశారని, ఎన్నికల అఫిడవిట్‌తో పోలిస్తే హత్య సమయానికి ఆయనకు 26 ఏళ్లు ఉంటాయని చెప్పారు. పత్రాల పరిశీలనలో సామ్రాట్ చౌదరి జువెనైల్ జస్టిస్ చట్టం కింద ప్రయోజనాలు పొందడానికి తనను తాను మైనర్‌గా ప్రకటించుకున్నారు. నిందితుడు అందించిన తప్పుడు సమాచారం ఆధారంగా అతన్ని కోర్టు నుండి విడుదల చేశారని జన్ సురాజ్ పార్టీ వ్యవస్థాపకుడు చెప్పారు.

తన వయస్సును నిరూపించుకోవడానికి బీహార్ స్కూల్ ఎగ్జామినేషన్ బోర్డు(Bihar School Examination Board) విడుదల చేసిన సర్టిఫికేట్‌ను చౌదరి సమర్పించారు. ఆర్జేడీ పాలనలో పాట్నాలో జరిగిన శిల్పి-గౌతమ్ హత్య కేసులో చౌదరి పాత్ర ఉందని, సీబీఐ అతన్ని ఎక్కడ ప్రశ్నించింది, పరీక్ష కోసం అతని రక్త నమూనాలను సేకరించిందని ప్రశాంత్ కిశోర్ సామ్రాట్ ను అడిగారు. కేంద్ర హోంమంత్రి అమిత్ షా బీహార్ పర్యటనలో ఒక హత్య నిందితుడిని కలవడం పట్ల కిషోర్ ఆశ్చర్యం వ్యక్తం చేశారు. బార్ వెనుక ఉండాల్సిన వ్యక్తి కేంద్ర హోంమంత్రితో కలిసి అదే వాహనంలో వెళ్తున్నాడని కిషోర్ వెల్లడించారు.

2020లో రాష్ట్ర శాసన మండలికి ఎన్నికైన సమయంలో చౌదరి దాఖలు చేసిన అఫిడవిట్, సుప్రీంకోర్టు ముందు ఆయన దాఖలు చేసిన వాదనకు విరుద్ధంగా ఉందని, సామ్రాట్ చౌదరి వెంటనే రాజీనామా చేయాలని ప్రశాంత్ కిషోర్ డిమాండ్ చేశారు. ముఖ్యమంత్రి నితీష్ కుమార్ వెంటనే చౌదరిని తన మంత్రివర్గం నుండి తొలగించి, తప్పుడు వయస్సతో కోర్టును తప్పుదారి పట్టించినందుకు సామ్రాట్ ను అరెస్టు చేయాలన్నారు. సీఎం చర్య తీసుకోకపోతే, చౌదరి రాజీనామా, అరెస్టు గురించి జాన్ సురాజ్ పార్టీ ప్రతినిధి బృందం గవర్నర్‌ను కలుస్తుందని కిషోర్ పేర్కొన్నారు. హత్య నిందితుడిగా ఉన్న తర్వాత ఒక వ్యక్తి రాజ్యాంగ పదవిలో ఎలా కొనసాగగలడు? అని ప్రశ్నించారు.