బేగంపేట విమనాశ్రయానికి బాంబు బెదిరింపు

-మెయిల్ పంపి కలకలం సృష్టించిన ఆగంతకుడు

హైదరాబాద్ సిటీబ్యూరో జూన్ 18 (విజయక్రాంతి): బేగంపేట విమానాశ్రయంలో బాంబు ఉందని గుర్తు తెలియని వ్యక్తి నుంచి వచ్చిన మెయి ల్ కలకలం సృష్టించగా, అధికారులు అప్రమత్తమై భద్రతను కట్టుది ట్టం చేశారు. బుధవారం ఉదయం 11:10 గంటలకు గుర్తు తెలియని వ్యక్తి నుంచి బాంబు బెదిరింపు మెయిల్ వచ్చింది. ఎయిర్‌పోర్టులో బాంబు ఉందని ఆగంతకుడు మెయిల్‌లో పేర్కొనడంతో, విమానాశ్రయ సిబ్బం ది అప్ర మత్తమయ్యారు.

ఉన్నతాధికారులకు సమాచారం అందించగా.. వెంటనే తెలంగాణ స్పెషల్ ప్రొటెక్షన్ ఫోర్స్, సీఐఎస్‌ఎఫ్ బలగాలు రంగంలోకి దిగాయి. విమానాశ్రయం లోప ల, పరిసర ప్రాంతాల్లో విస్తృత తనిఖీలు చేపట్టారు. స్నిఫర్ డాగ్స్, బాంబ్ డిటెక్షన్ స్క్వాడ్ బృందాలతో కలిసి ప్రతీ అంగుళం పరిశీలించారు. ఎయిర్‌పోర్ట్ సిబ్బంది ఫిర్యాదు మేరకు సైబర్ క్రైమ్ పోలీసులు కేసు నమోదు చేసుకున్నారు. మెయిల్ ఎవరు పంపా రు.. ఎక్కడి నుంచి వచ్చిందన్న విషయమై ఆరా తీస్తున్నారు. ఐపీ అడ్రస్, ఇతర సాంకేతిక ఆధారాల ద్వారా ఆగంతకుడిని గుర్తించేందుకు ప్రయత్నాలు ముమ్మరం చేస్తున్నారు.