న్యూఢిల్లీ: ప్రధానమంత్రి నరేంద్ర మోడీ అధ్యక్షతన బుధవారం జరిగిన కేంద్ర మంత్రివర్గ(Cabinet approves) సమావేశం ఢిల్లీ మెట్రో ఫేజ్(Delhi Metro expansion) V (A) ప్రాజెక్టుకు ఆమోదం తెలిపింది. రూ. 12,015 కోట్ల ఈ విస్తరణ ప్రాజెక్టు కింద 16 కిలోమీటర్ల మేర మూడు కొత్త కారిడార్లలో 13 కొత్త స్టేషన్లు నిర్మించబడతాయి. రాబోయే మూడు సంవత్సరాలలో రాజధాని నగరంలోని వేగవంతమైన రవాణా నెట్‌వర్క్ 400 కిలోమీటర్ల మైలురాయిని దాటనుంది. ఐదవ దశ (ఎ) కింద, ఢిల్లీ మెట్రో రైల్ కార్పొరేషన్ (డిఎంఆర్‌సి) మొత్తం 16 కిలోమీటర్ల పొడవుతో మూడు కొత్త కారిడార్లను నిర్మించనుంది.

దీని లక్ష్యం చివరి మైలు కనెక్టివిటీని మెరుగుపరచడం, నగరంలోని అత్యంత రద్దీగా ఉండే కొన్ని మార్గాలలో రద్దీని తగ్గించడం. ఢిల్లీ మెట్రో(Delhi Metro) విస్తరణకు సంబంధించి ఒక అత్యంత కీలకమైన నిర్ణయం తీసుకున్నారు. ఢిల్లీ మెట్రో, ఢిల్లీ నివాసితుల జీవితాలను, నగరంలోకి రాకపోకలు సాగించే ప్రతి ఒక్కరి జీవితాలను ఏ విధంగా సానుకూలంగా మార్చిందో మనందరికీ తెలిసిందే. ఈ విస్తరణతో ఢిల్లీ మెట్రో చరిత్రలో(Delhi Metro History) ఒక కొత్త అధ్యాయం ప్రారంభమవుతుందని కేంద్ర మంత్రి అశ్విని వైష్ణవ్ క్యాబినెట్(Minister Ashwini Vaishnaw) సమావేశం అనంతరం విలేకరులకు తెలిపారు.

ఈ ప్రాజెక్టుతో సుమారు 33,000 టన్నుల కార్బన్ డయాక్సైడ్ ఉద్గారాలను ఆదా చేయవచ్చని వైష్ణవ్ తెలిపారు. ఈ ప్రాజెక్టు రాబోయే మూడు సంవత్సరాలలో పూర్తవుతుందన్నారు. ఈ విస్తరణ ప్రస్తుత నెట్‌వర్క్‌కు 13 స్టేషన్లను జోడిస్తుంది. నివాస కేంద్రాలు, వాణిజ్య జిల్లాలు, రవాణా కూడళ్ల మధ్య సంబంధాలను బలోపేతం చేస్తుంది. ఈ ఆమోదంతో, ప్రపంచంలోని అతిపెద్ద పట్టణ రైలు నెట్‌వర్క్‌లలో ఒకటైన ఢిల్లీ మెట్రో మొత్తం కార్యాచరణ పొడవు రాబోయే మూడు సంవత్సరాలలో 400 కిలోమీటర్లు దాటనుంది అని అధికారులు తెలిపారు.