1. మహిళ, పిల్లల భద్రతకు త్వరలో నూతన పాలసీ
2. ౧౭ నుంచి అక్టోబర్ ౧౬ వరకు ‘పోషణ మాసం’
3. రాష్ట్ర మంత్రి సీతక్క

హైదరాబాద్, సెప్టెంబర్ 13 (విజయక్రాంతి) : చిన్నారుల రక్షణను తమ ప్రజా ప్ర భుత్వం ప్రధాన బాధ్యతగా భావిస్తోందని మంత్రి సీతక్క స్పష్టం చేశారు. పిల్లలు నిర్భయంగా, స్వేచ్ఛగా, ధైర్యంగా జీవించే వా తావరణాన్ని కల్పించడం సమాజం మొత్తం బాధ్యత అని పేర్కొన్నారు. హైదరాబాద్‌లోని హోటల్ పార్క్ ప్రాంగణంలో సీఐఐ, యంగ్ ఇండియన్స్ ఆధ్వర్యంలో నిర్వహించిన మా సూమ్ సమిట్ 10వ వార్షికోత్సవం ఘనంగా జరిగింది.

ఈ కార్యక్రమానికి మంత్రి సీతక్క ముఖ్య అతిథిగా హాజరై, చిన్నారుల భద్రత, మహిళల రక్షణ, పోషకాహారం, మహిళా సాధికారత వంటి కీలక అంశాలపై ప్రసంగించారు. ఈ సందర్భంగా డీ.జీ. శికా గోయల్, సీఐఐ తెలంగాణ స్టేట్ కౌన్సిల్ చైర్మన్ శివప్రసాద్ రెడ్డి, మాసూమ్ యంగ్ ఇండియన్స్ చైర్ జోష్నా సింగ్ అగర్వాల్, యంగ్ ఇండియన్స్ నేషనల్ చైర్మన్ తరంగ్ ఖురానా, మాసూమ్ కో భవిన్ పాండ్యా తదితరులు పాల్గొన్నారు. 

మంత్రి సీతక్క మాట్లాడుతూ ఈ నెల 22న మేధావులు, స్వచ్ఛంద సంస్థలు, ఉన్నతాధికారులు పాల్గొనే మహిళా సదస్సు నిర్వహిస్తున్నామని, వారి అభిప్రాయాల ఆధారంగా కొత్త మహిళా భద్రతా పాలసీ తీసుకురాబోతున్నామని ప్రకటించారు. చిన్నారుల పోషకాహా రంపై దృష్టి సారిస్తూ, ఈ నెల 17 నుంచి అక్టోబర్ 16 వరకు రాష్ర్టవ్యాప్తంగా పోషణ మాసం నిర్వహించనున్నట్లు తెలిపారు.

‘పిల్లల్లో పౌష్టికాహారం పెంపొందించేందుకు పరి శోధనలు జరిపి అంగన్‌వాడీ మెనూలో మా ర్పులు చేశామని, పౌష్టికాహారం ప్రాధాన్యతపై నెలరోజుల పాటు అవగాహన కార్యక్రమాలు చేపడుతున్నామని వివరించారు. లైంగిక నేరాల నియంత్రణలో కేవలం శిక్షలకే పరిమి తం కాకుండా శిక్షణా కార్యక్రమాలు కూడా ఉండాలని మంత్రి సీతక్క స్పష్టం చేశారు.

ఆడవారిని గౌరవించాలని తరగతి గదిలోనే నేర్పా లని, గుడ్ టచ్, బ్యాడ్ టచ్ వంటి అంశాలపై ఇళ్లలో, పాఠశాలల్లో, గ్రామాల్లో తప్పనిసరిగా చర్చ జరగాలన్నారు. తప్పు జరిగితే పిల్లలు ధైర్యంగా మాట్లాడే వాతావరణాన్ని కల్పించాలని సూచించారు. చిన్నారుల అక్రమ రవా ణా, బాల కార్మిక వ్యవస్థపై ఉక్కుపాదం మో పుతున్నామని తెలిపారు. అలాగే డ్రగ్స్ నియంత్రణకు సీఎం రేవంత్ నేతృత్వంలో పోలీస్ శాఖలో ప్రత్యేక నార్కోటిక్స్ విభాగాన్ని ఏర్పా టు చేసినట్లు చెప్పారు.

మహిళా సంఘాలను బలోపేతం చేసి వారిని సామాజిక, ఆర్థికంగా బలపరచడం ద్వారా చిన్నారుల రక్షణను సుస్థిరం చేస్తున్నామని తెలిపారు. హెల్ప్‌లైన్‌లు, కౌన్సెలింగ్, ప్రత్యేక బృందాల ద్వారా బాధిత చిన్నారులకు అం డగా నిలుస్తున్నామని, పాఠశాలల్లో అమ్మాయిలకు స్వీయ రక్షణ శిక్షణ ఇస్తున్నామని వివరించారు.