భద్రాచలం,(విజయక్రాంతి): హైదరాబాద్ క్రికెట్ అసోసియేషన్ ఆధ్వర్యంలో ఖమ్మం జిల్లా భద్రాచలం ప్రభుత్వ కళాశాలలో క్రికెట్ కోచింగ్ ను శుక్రవారం భద్రాచలం సీఐ నాగరాజు ప్రారంభించారు. హైదరాబాద్ క్రికెట్ అసోసియేషన్, ఖమ్మం జిల్లా క్రికెట్ అసోసియేషన్ సంయుక్త నిర్వహణలో కోచ్ సుబ్బు ఆధ్వర్యంలో ఉచిత క్రికెట్ శిక్షణ శిబిరం ప్రారంభమైంది. భద్రాచలం పట్టణంలోని చిన్నారులకు ఈ క్రికెట్ శిక్షణ శిబిరం నందు ఉచితంగా శిక్షణ ఇస్తారు. దీంతో పెద్ద ఎత్తున విద్యార్థిని విద్యార్థులు శిక్షణకు హాజరయ్యారు. ప్రారంభ కార్యక్రమానికి ముఖ్య అతిధులు గా సబ్ ఇన్స్పెక్టర్ స్వప్న , పప్పు ప్రసాద్  లాయర్ పాయం రవి వర్మ, చందు తదితరులు హాజరు అయ్యారు.