హైదరాబాద్: రాష్ట్రపతి(President of India) ద్రౌపది ముర్ము శుక్రవారం మధ్యాహ్నం హైదరాబాద్ చేరుకున్నారు. బేగంపేట విమానాశ్రయంలో రాష్ట్రపతికి గవర్నర్ జిష్ణు దేవ్ వర్మ, ముఖ్యమంత్రి రేవంత్ రెడ్డి(CM Revanth Reddy), కేంద్ర బొగ్గు శాఖ మంత్రి కిషన్ రెడ్డి, ఇతర ప్రముఖులు ఘన స్వాగతం పలికారు. రాష్ట్రపతి ముర్ము శుక్రవారం రాష్ట్రపతి నిలయంలో భారతీయ కళా మహోత్సవం 2025ను ప్రారంభించనున్నారు. భారతీయ కళా మహోత్సవం(Bharatiya Kala Mahotsav) రెండవ ఎడిషన్ గుజరాత్, మహారాష్ట్ర, రాజస్థాన్, గోవా, దాద్రా, నాగర్ హవేలి, డామన్, డయ్యు గొప్ప సాంస్కృతిక, వంటకాలు, కళాత్మక సంప్రదాయాలను ప్రదర్శిస్తుంది. నవంబర్ 22న, ఆంధ్రప్రదేశ్‌లోని పుట్టపర్తిలోని ప్రశాంతి నిలయంలో శ్రీ సత్యసాయి బాబా శతాబ్ది జయంతి వేడుకలను పురస్కరించుకుని జరిగే ప్రత్యేక సమావేశంలో రాష్ట్రపతి పాల్గొంటారు. శుక్రవారం ఉదయం తిరుమలలోని వెంకటేశ్వర స్వామిని దర్శించుకున్న రాష్ట్రపతి ముర్ము ప్రత్యేక పూజలు చేశారు.