పటాన్ చెరు: హైదరాబాదులోని గీతం స్కూల్ ఆఫ్ సైన్స్, రసాయన శాస్త్ర విభాగం పరిశోధక విద్యార్థి శివకృష్ణ ముచ్చకాయల డాక్టరేట్ కు అర్హత సాధించారు. ‘సెమీ-సాలిడ్, లిక్విడ్ డోసేజ్ ఫార్ములేషన్ల కోసం మల్టీవియారిట్ విధానాన్ని ఉపయోగించి గ్రీన్ క్రోమాటోగ్రాఫిక్ పద్ధతుల అభివృద్ధి’పై ఆయన అధ్యయనం చేసి, సిద్ధాంత వ్యాసాన్ని సమర్పించారు. ఈ పరిశోధనకు మార్గదర్శనం వహిస్తున్న గీతం స్కూల్ ఆఫ్ సైన్స్ రసాయన శాస్త్ర విభాగం అసిస్టెంట్ ప్రొఫెసర్ డాక్టర్ విష్ణు నందిమల్ల శుక్రవారం విడుదల చేసిన ప్రకటనలో ఈ విషయాన్ని వెల్లడించారు. బీటామెథాసోన్ డిప్రొపియోనేట్, కెటోకానజోల్, ఫ్లూసినోలోన్ అసిటోనైడ్, మైకోఫెనోలేట్ మోఫిటిల్ విశ్లేషణ కోసం డిజైన్ ద్వారా నాణ్యత సూత్రాల ఆధారంగా పర్యావరణ అనుకూలమైన, ఖచ్చితమైన, సమయానుకూలమైన క్రోమాటోగ్రాఫిక్ పద్ధతులను డాక్టర్ శివకృష్ణ అభివృద్ధి చేసినట్టు ఆయన పేర్కొన్నారు.

ఈ పద్ధతులు అశుద్ధ ప్రొఫైలింగ్, స్థిరత్వ పరీక్ష, మిశ్రమ పరీక్ష విశ్లేషణలో మెరుగుదలను అందించడమే గాక, ప్రమాదకర ద్రావకాల తగ్గింపు, ఖర్చు, విశ్లేషణ సమయాన్ని అనుమతిస్తాయన్నారు. అన్ని పద్ధతులు యూఎస్ పీ, ఐసీహెచ్ మార్గదర్శకాల ప్రకారం ధృవీకరించబడడమే గాక, గ్రీన్ అనలిటికల్ మెట్రిక్ లను ఉపయోగించి అంచనా వేసి, వాటి పర్యావరణ స్థిరత్వాన్ని నిర్ధారించినట్టు తెలియజేశారు. ఈ అధ్యయనం ఎల్సీ-ఎంఎస్ ఉపయోగించి తెలియని ఒత్తిడి మలినాలను కూడా గుర్తించడమే గాక, అభివృద్ధి చెందిన పద్ధతుల దృఢత్వం, స్థిరత్వాన్ని సూచించే సామర్థ్యాన్ని బలోపేతం చేశాయన్నారు. డాక్టర్ శివకృష్ణ సిద్ధాంత వ్యాసం పీహెచ్.డీ. పట్టాకు అర్హత సాధించడం పట్ల గీతం హైదరాబాదు అదనపు ఉపకులపతి ప్రొఫెసర్ డీ.ఎస్.రావు, గీతం రెసిడెంట్ డైరెక్టర్ డీవీవీఎస్ఆర్ వర్మ, స్కూల్ ఆఫ్ సైన్స్ ప్రిన్సిపాల్ డాక్టర్ ఎం.రెజా, రసాయన శాస్త్ర విభాగాధిపతి డాక్టర గౌసియా బేగం, పలు విభాగాల అధిపతులు, అధ్యాపకులు, సిబ్బంది తదితరులు అభినందించినట్టు ఆ ప్రకటనలో పేర్కొన్నారు.