జనరల్ ఆసుపత్రిని తనిఖీ చేసిన కలెక్టర్

నాగర్కర్నూల్, జూన్ 24 ( విజయక్రాంతి ) : నాగర్ కర్నూల్ జిల్లా జనరల్ ఆస్పత్రిలో నెలకొన్న సమస్యల ను పరిష్కరించేందుకు జిల్లా కలెక్టర్ బాధావత్ సంతోష్ మంగళవారం ఆస్పత్రి పరిసరాలను సందర్శించారు. ఆస్పత్రి సూపరింటెండెంట్ రఘు ఇతర విభాగాల ప్రొఫెసర్లు వైద్యులను అడిగి సమస్యలను తెలుసుకున్నారు. ఆపరేషన్ థియేటర్ మరమ్మత్తు కోసం అవసరమయ్యే నిధులను వెంటనే మంజూరు చేస్తున్నట్లు తెలిపారు.

మరుగుదొడ్లు మూత్రశాలలు పరిసరాల పరిశుభ్రత వంటి అంశాలను తనిఖీ చేశారు. వైద్యుల హాజరు, రోగులకు అందుతున్న సేవలు, మందుల సరఫరా, మౌలిక వసతులపై ఆరా తీశారు. ఐసీయూ, జనరల్ వార్డ్, డయాలసిస్ యూనిట్, ప్రయోగశాల, ఫార్మసీ, బ్లడ్ బ్యాంక్లనుపరిశీలించారు.