మంచిర్యాల టౌన్, (విజయక్రాంతి): ముఖ్యమంత్రి రేవంత్ రెడ్డి ఉమ్మడి ఆదిలాబాద్ జిల్లా పర్యటన నేపథ్యంలో తెలంగాణ రాజ్యాధికార పార్టీ నిర్మల్ జిల్లా అధ్యక్షులు గైని సాయి మోహన్ ని అక్రమంగా అరెస్ట్ చేయడాన్ని తీవ్రంగా ఖండిస్తున్నామని తెలంగాణ రాజ్యాధికార పార్టీ జిల్లా అధ్యక్షుడు మహేష్ వర్మ అన్నారు. ప్రజా సమస్యలను సీఎం దృష్టికి తీసుకెళ్తారనే భయంతోనే ప్రభుత్వం ఇలాంటి ముందస్తు అరెస్టులకు పాల్పడుతోందని దుయ్యబట్టారు. అరెస్టులతో ప్రశ్నించే గొంతులను నొక్కలేరనీ, నిర్బంధాలు మా పోరాట పటిమను ఇంకా పెంచుతాయి తప్ప తగ్గించవన్నారు. పోలీసులు వెంటనే గైని సాయిమోహన్ ని విడుదల చేయాలని డిమాండ్ చేశారు. నిరసన తెలపడం భారత రాజ్యాంగం కల్పించిన హక్కు, రాజ్యాంగం కల్పించిన హక్కులను కాలరాస్తున్న కాంగ్రెస్ (రెడ్డి) ప్రభుత్వానికి ప్రజలు బుద్ధి చెబుతారని అన్నారు.