ఖమ్మం టౌన్, ఏప్రిల్ 7 (విజయక్రాంతి): ఖమ్మం ప్రభుత్వ అస్పత్రిలో సీప్యాప్ యంత్రంను కొందరి వైద్యుల సహకారంతో మంగళవారం ఏర్పాటు చేసారు. ఆసుపత్రిలో విజయవంతంగా ఇన్స్టాలేషన్ పూర్తయ్యింది. ఈ సీప్యాప్ యంత్రాన్ని హైదరాబాద్లోని అంకుర ఆసుపత్రికి చెందిన డా. శ్రీనివాస్ ఆధ్వర్యంలో అందించారు.

బయోమెడికల్ ఇంజినీర్ ఇస్లావత్ రెడ్డి ఇన్స్టలేషయిన్ చేయగ ఖమ్మం జిల్లాకు చెందిన ఎంసిహెచ్ పీడియాట్రిక్ హెచ్.ఓ.డి డా. బాబు రత్నాకర్, డా. రాంబాబు ఆధ్వర్యంలో పరీక్షించారు. యంత్రం సక్రమంగా పనిచేస్తూ, రోగులకు ఉపయోగించేందుకు సిద్ధంగా ఉందని తెలిపారు. ఈ యంత్రం ద్వారా శ్వాస సంబంధిత సమస్యలతో బాధపడుతున్న రోగులకు మెరుగైన వైద్య సేవలు అందుబాటులోకి వస్తాయని వైద్యులు తెలిపారు.