నేషనల్ హెరాల్డ్ కేసులో తీర్పు రిజర్వ్

న్యూఢిల్లీ: నేషనల్ హెరాల్డ్ కేసులో ఎన్‌ఫోర్స్‌మెంట్ డైరెక్టరేట్ దాఖలు చేసిన ఛార్జిషీట్‌ను పరిగణనలోకి తీసుకోవడంపై ఢిల్లీ హైకోర్టు(Delhi High Court) సోమవారం తన తీర్పును రిజర్వ్ చేసింది. ఈ కేసును జూలై 29న విచారిస్తామని ప్రత్యేక న్యాయమూర్తి విశాల్ గోగ్నే తెలిపారు. నేషనల్ హెరాల్డ్ వార్తాపత్రికను(National Herald Case) ప్రచురించిన అసోసియేటెడ్ జర్నల్స్ లిమిటెడ్ (Associated Journals Limited) కు చెందిన రూ. 2,000 కోట్ల విలువైన ఆస్తులను మోసపూరితంగా స్వాధీనం చేసుకున్నందుకు సోనియా గాంధీ, రాహుల్ గాంధీ(Rahul Gandhi), దివంగత కాంగ్రెస్ నాయకులు మోతీలాల్ వోరా, ఆస్కార్ ఫెర్నాండెజ్, అలాగే సుమన్ దూబే, సామ్ పిట్రోడా మరియు యంగ్ ఇండియన్ అనే ప్రైవేట్ కంపెనీపై కుట్ర, మనీలాండరింగ్ ఆరోపణలు ఎన్‌ఫోర్స్‌మెంట్ డైరెక్టరేట్ (Enforcement Directorate) మోపింది. యంగ్ ఇండియన్‌లో గాంధీ కుటుంబం 76 శాతం వాటాలను కలిగి ఉందని, ఆ సంస్థ రూ. 90 కోట్ల రుణానికి బదులుగా ఏజేఎల్ ఆస్తులను మోసపూరితంగా ఆక్రమించిందని ఈడీ ఆరోపించింది. ఈ చార్జిషీట్‌లో సోనియా గాంధీ, రాహుల్ గాంధీ, సామ్ పిట్రోడా, సుమన్ దూబే, సునీల్ భండారి, యంగ్ ఇండియన్, డోటెక్స్ మర్చండైజ్ ప్రైవేట్ లిమిటెడ్ పేర్లు ఉన్నాయి.