అంగన్‌వాడీ చిన్నారులకు దుస్తుల పంపిణీ

అర్మూర్, జనవరి 9 (విజయ క్రాంతి) : ఆలూర్ మండలం దేగాం  గ్రామంలో అంగన్వాడీ  కేంద్రంలో చిన్నారులకు  మహిళా శిశు సంక్షేమ శాఖ ద్వార  ప్రభుత్వం  అందజేస్తున్న డ్రెస్‌లు  (దుస్తులు)లను శుక్రవారం అంగన్వాడీ  శిశువులకు అందజేయడం జరిగింది.

ఈ కార్యక్రమానికి ముఖ్య అతిథిగా హాజరైన సర్పంచ్ ఇట్టడి లింగారెడ్డి  మాట్లాడుతూ  ప్రభుత్వం  మహిళా శిశు సంక్షేమా నికి  అనేక పథకాలు  అమలు చేస్తున్నదని, గర్భిణీ మహిళలకు శిశువులకు  పౌష్ఠిక  ఆహారం అందజేస్తున్నదని అన్నారు.  ఎంతో మంది పేదవారు పౌష్ఠిక ఆహారం లేక  అనారోగ్యం బారిన పడకుండా కాపాడుతున్నదని అన్నారు.

అందరూ కూడా ఈ  పథకాలను ఉపయోగించుకోవాలని కోరారు. ఈ  కార్యక్రమంలో గ్రామ ఉప సర్పంచ్ ధర్మపురి, గ్రామ పంచాయతీ కార్యదర్శి నవీన్,   ఫీల్ అసిస్టెంట్ సుదర్శన్ గౌడ్, ఆలూర్  మండల  మహిళా  శిశు సంక్షేమ శాఖ  సూపర్ వైజర్ సమత, అంగన్వాడీ  ఉపాధ్యాయులు త్రివేణి, సరళ  గీతా, గౌరీబాయి తదితరులు  పాల్గొన్నారు.