హోంగార్డులకు ఉలెన్ జాకెట్స్ పంపిణీ

మహబూబాబాద్, సెప్టెంబర్ 19 (విజయక్రాంతి): మహబూబాబాద్ జిల్లాలో పోలీస్ శాఖలో పనిచేస్తున్న హోంగార్డ్ సిబ్బందికి శుక్రవారం జిల్లా ఎస్పీ కేకన్ సుధీర్ రామ్నాథ్ రైన్ కోట్స్, ఉలెన్ జాకెట్స్ అందజేశారు.

ఈ సందర్బంగా ఎస్పీ మాట్లాడుతూ హోంగార్డు సిబ్బందికి విధి నిర్వహణలో, వ్యక్తిగతంగా ఏవైనా సమస్యలు ఉంటే తెలపాలని సమస్యల పరిష్కారానికి కృషి చేస్తామని చెప్పారు. యూనిఫాం సర్వీస్ డెలివరీలో అందరూ సమానమేనని, అందరము ఒకే కుటుంబ సభ్యులకు సంబంధించిన వారిమని తెలిపారు. ఈ కార్యక్రమంలో ఆర్.ఐ భాస్కర్, హోమ్ గార్డ్ ఆఫీసర్స్, సిబ్బంది పాల్గొన్నారు.