మంచిర్యాల టౌన్ (విజయక్రాంతి): సామాజిక వారోత్సవాలలో భాగంగా మంచిర్యాలలోని శ్రీ చైతన్య పాఠశాల లక్ష్మీనగర్ బ్రాంచ్‌లో శనివారం గ్రాండ్ పేరెంట్స్ డేను ఘనంగా జరుపుకున్నారు. గ్రాండ్ పేరెంట్స్ తో పాఠశాల యాజమాన్యం ఆటలు ఆడించారు. నేటి సమాజంలో అమ్మమ్మ, తాతల ప్రాముఖ్యతని గ్రాండ్ పేరెంట్స్ వారి మాటల్లో చెప్పుకుంటూ మురిసిపోయారు. విద్యార్థులందరూ సంబంధాల ప్రాముఖ్యతను తెలుసుకోవాలని, పిల్లలు మెరుగైన జీవితం కోసం వారి గ్రాండ్ పేరెంట్స్ తో జీవితాన్ని గడపాలని ప్రిన్సిపాల్ అయూబ్ అన్నారు. అనంతరం పోటీల్లో విజేతలకు ప్రిన్సిపాల్ అయూబ్, ఇంచార్జ్ అనగమత బహుమతులను అందజేశారు.