హైదరాబాద్: దోమలగూడలోని ఎన్టీఆర్ స్టేడియం సమీపంలో ఆదివారం మధ్యాహ్నం ఓ ఎలక్ట్రిక్ కారు అకస్మాత్తుగా మంటలు చెలరేగాయి. ఈ ప్రమాదంలో ఎలక్ట్రిక్ కారు పూర్తిగా దెబ్బతిన్నది. కారు నుంచి పొగలు వస్తున్నట్లు గమనించిన స్థానికులు వెంటనే అధికారులకు సమాచారం అందించారు.

అగ్నిమాపక సిబ్బంది సంఘటనా స్థలానికి చేరుకుని నిమిషాల్లోనే మంటలను అదుపులోకి తెచ్చారు. గాంధీ నగర్ ట్రాఫిక్ పోలీసులు, దోమలగూడ పోలీసులు అక్కడికి చేరుకుని ఆ ప్రాంతంలో ట్రాఫిక్‌ను నియంత్రించారు.ఈ ప్రమాదంలో ఎలాంటి ప్రాణ నష్టం జరగలేదని అధికారులు వెల్లడించారు. ఆ ప్రాంతంలో సాధారణ వాహనాల రాకపోకలు జరిగేలా చర్యలు తీసుకున్నామని అధికారులు తెలిపారు. అయితే, ఎలక్ట్రిక్ వాహనంలో మంటలు చెలరేగడానికి గల కారణాలను వారు ఇంకా నిర్ధారించలేదు.