పెంచికలపేట,(విజయక్రాంతి): మండలంలోని ఎల్లూరు గ్రామ పంచాయతీలో ఉపాధి హామీ పథకం కింద చేపట్టనున్న పనులను గ్రామ సర్పంచ్ చెప్పిడే రవీందర్ అధికారికంగా ప్రారంభించారు. ఈ సందర్భంగా గ్రామంలోని అభివృద్ధి పనులకు శంకుస్థాపన చేసి ఉపాధి పనులను ప్రారంభించారు.

ఈ కార్యక్రమంలో ఫీల్డ్ అసిస్టెంట్ ఒండ్రే ప్రేమనందం పాల్గొని ఉపాధి హామీ పనుల ప్రాధాన్యతను వివరించారు. గ్రామంలో పనులు ప్రారంభం కావడంతో గ్రామస్తులకు ఉపాధి అవకాశాలు కలగనున్నాయని తెలిపారు.

అలాగే గ్రామ అభివృద్ధికి ప్రతి ఒక్కరూ సహకరించాలని, ఉపాధి హామీ పనులను సద్వినియోగం చేసుకోవాలని సర్పంచ్ చెప్పారు. ఈ కార్యక్రమంలో పెద్ద సంఖ్యలో గ్రామస్తులు పాల్గొని కార్యక్రమాన్ని విజయవంతం చేశారు