డెహ్రాడూన్: తన మైనర్ కుమార్తెపై అత్యాచారం చేసిన కేసులో డెహ్రాడూన్‌లోని ఒక కోర్టు మాజీ వైమానిక దళ సిబ్బందికి(Ex-Air Force staff ) 20 సంవత్సరాల కఠిన కారాగార శిక్ష విధించింది. బుధవారం వెలువరించిన తన తీర్పులో కోర్టు తీవ్రమైన వ్యాఖ్యలు చేస్తూ, తన కుమార్తెను రక్షించాల్సిన బాధ్యత ఉన్న తండ్రి, దానికి బదులుగా ఆమె శారీరక, మానసిక ఆరోగ్యాన్ని నాశనం చేశాడని, అటువంటి నేరస్థుడి పట్ల ఎలాంటి కనికరం చూపకూడదని పేర్కొంది. పోక్సో ప్రత్యేక న్యాయమూర్తి అర్చన సాగర్ దోషిపై రూ. 25,000 జరిమానా విధించడంతో పాటు బాధితురాలికి పరిహారంగా రూ. 3 లక్షలు చెల్లించాలని ఆదేశించారు.