బాలకృష్ణ, బోయపాటి శ్రీను కాంబోలో వస్తున్న చిత్రం ‘అఖండ2: తాండవం’. రామ్ ఆచంట, గోపీచంద్ ఆచంట నిర్మిస్తున్నారు. 2డీ, 3డీ ఫార్మాట్లలో రూపుదిద్దుకుంటున్న ఈ సినిమాకు రామ్ యాక్షన్ కొరియోగ్రఫీ అందించారు. డిసెంబర్ 5న ప్రపంచవ్యాప్తంగా విడుదల కానున్న ఈ సినిమా విశేషాలను ఫైట్ మాస్టర్స్ రామ్ విలేకరులతో పంచుకున్నారు. ఆ విశేషాలు వారి మాటల్లోనే... 

‘-అఖండ’కు మించిన స్పాన్, కాన్వాస్ ఈ సినిమాలో ఉన్నాయి. ఈ సినిమాను పాన్‌ఇండియా స్థాయిలో తీయాలని డైరెక్టర్ మొదటి నుంచే మనసులో పెట్టుకొని ప్రతీదీ చాలా గొప్పగా తీర్చిదిద్దారు. ప్రతి చిన్న విషయంపై 100 శాతం దృష్టి పెట్టారు. ఓంకారం శక్తి, శివశక్తిని గుండెల్లో నింపుకుంటే జీవితం ఎంత ఆనందంగా, అద్భుతంగా సాగుతుందనేది డైరెక్టర్ బోయపాటి ఇందులో చాలా అద్భుతంగా చెప్పారు. 

ప్రేక్షకులకు గొప్ప అనుభూతి ఇవ్వాలనేని అందరం సవాలుగా తీసుకొని ఈ సినిమా చేశాం. ప్రేక్షకులు, అభిమానులు 100 శాతం అంచనాలు పెట్టుకుంటే వెయ్యి శాతం ఆ అంచనాలను అందుకునేలా ఈ సినిమా ఉంటుంది. 

భగవంతుడి శక్తిని తీసుకున్న హీరో పాత్రను ఢీకొనాలంటే ప్రత్యర్థి పాత్ర కూడా అంతే శక్తిమంతంగా ఉండాలి. అలాంటి ప్రతినాయకుడిగా పాత్రలో ఆది పినిశెట్టి అద్భుతంగా నటించారు.. అతని దగ్గర తాంత్రిక శక్తి ఉంటుంది. అఖండ పాత్రలో దైవిక శక్తి ఉంటుంది. అలా ఈ రెండు శక్తుల మధ్య యాక్షన్ సన్నివేశాలను చాలా కొత్తగా కంపోజ్ చేశాం. 

ట్రైలర్‌లో గన్ త్రిశూలంతో ఉన్న యాక్షన్ సీక్వెన్స్ గమనిస్తే.. మామూలుగా గన్‌కే ఒక పవర్ ఉంటుంది. ఆ గన్‌కు ఒక త్రిశూలం పవర్, శివుడి శక్తి తోడైతే ఎలా ఉంటుందో ఆ పవర్‌తో యాక్షన్ సీక్వెన్స్‌ను కంపోజ్ చేశాం. ప్రతి పోరాట ఘట్టం గూస్‌బంప్స్ తెప్పిస్తుంది. 

అభిమానులకు రియల్‌గా కనిపించాలని ఇందులో 99 శాతం ఆయనే చేశారు. ఈ క్యారెక్టర్ కూడా అలాంటిదే.. ఆయనే చేయాలి. మేము మంచులో నాలుగైదు కోట్లు వేసుకుని షూటింగ్‌కు వెళ్లేవాళ్లం. అంతటి మంచులో క్యారెక్టర్‌కు తగ్గట్టు బాలకృష్ణ స్లీవ్‌లెస్‌లో నిలబడి అద్భుతమైన యాక్షన్ చేశారు. షూటింగ్‌లో బాలకృష్ణను ఎదురుగా చూస్తున్నప్పుడు ఒక దైవశక్తిని చూస్తున్నట్టుండేది. పాత్రలో అంతగా లీనమైపోయే నటుడు, పాత్ర కోసం ప్రాణాలు పెట్టే బాలకృష్ణ లాంటి నటుడు మనకు ఉండడం అందరికీ గర్వకారణం. 

ఈ సినిమా కోసం విబూది కొన్ని టన్నులు వాడి ఉంటాం. సినిమా చూసి బయటకు వస్తున్నప్పుడు మన మీద విబూది వర్షం కురిసినందన్న గొప్ప అనుభూతిని కలుగుతుంది. ఈ సినిమా చూస్తున్నప్పుడు ప్రేక్షకులు.. శివతత్వాన్ని కడుపు నిండా నింపుకునే సినిమా ఇది.  

సినిమాలో మూడు వేరియేషన్స్ ఉన్న ఫైట్ సీక్వెన్స్ ఉన్నాయి. మొత్తం మూడు క్యారెక్టరైజేషన్ కూడా మాకు కొత్తగా చేసే అవకాశం ఇచ్చాయి. ఎక్కడ కూడా బోర్ కొట్టకుండా యాక్షన్ అత్యంతం అలరిస్తుంది. 

ప్రతి రంగంలో కాంపిటీషన్ ఉండాలి. మనం ఒక్కరమే ఉంటే అహంకారం వస్తుంది. పక్కోడు కూడా ఉంటే భయం వస్తుంది. కొత్త స్టుల్స్ రావాలి. దాని నుంచి మేము అప్డేట్ అవ్వాలి. అక్కడి నుంచే క్రియేటివిటీ వస్తుంది. ఈ ఫీల్డ్‌లో ప్రతి నిమిషం అప్డేట్ అవుతూ ఉండాలి. మేం అప్డేట్‌గా ఉన్నాం కాబట్టే మీరు మాతో ఇప్పుడు మాట్లాడుతున్నారు (నవ్వుతూ). మా ఎమోషన్‌లో అప్డేటెడ్ వెర్షన్‌గా మా అబ్బాయి రాహుల్ కూడా వస్తున్నాడు. త్వరలోనే అతన్ని యాక్షన్ డైరెక్టర్‌గా పరిచయం చేస్తున్నాం. చాలా మంచి సలహాలు ఇస్తుంటాడు.. ఈ సినిమాలో బాలకృష్ణ మెడ చుట్టూ త్రిశూలం తిప్పుతూ చేసే యాక్షన్ సీక్వెన్స్ తను చేసిందే!