చికెన్ వ్యర్థాలతో చేపల పెంపకం

పట్టించుకోని మత్స్యకార సంబంధిత అధికారులు

అంతా నా ఇష్టం... నేను ఇలానే పెంచుతాను చేపలను 

ఇంత దారుణమా అని ప్రశ్నిస్తున్న ప్రజలు 

వేములపల్లి,(విజయక్రాంతి): వేములపల్లి మండల కేంద్రానికి కూత వేటు దూరంలో ఉన్న అన్నపరెడ్డిగూడెం గ్రామ శివారులో ఓ రైతు తన పొలంలో చేపలను పెంచడానికి చెరువులను తొవించాడు. ఈ చెరువులలో చేపలను పెంచుతూ చికెన్ వేస్ట్ ను వాటికి ఆహారంగా వేస్తున్నాడు. ఈ తదంగం ఇంత జరుగుతున్న సంబంధిత అధికారులు మాత్రం అటువైపు జాడే లేరని పలువురు గుసగుసలాడుతున్నారు.

ఈ చెరువుకు చికెన్ వేస్టేజ్ హైదరాబాదు నుండి కొన్ని వాహనాలలో తీసుకువచ్చి ఎటువంటి బాయిల్డ్ చేయకుండానే చెరువులో చేపలకు మేతగా వేస్తున్నారు. ఇలా చేపలను పెంచడం వల్ల ఈ చేపలను తినేవారికి ఆరోగ్య సమస్యలు మెండుగా వస్తాయని ప్రజలు ఆరోపిస్తున్నారు. ఇప్పటికైనా అధికారులు స్పందించి చికెన్ వేస్టేజ్ వేసి చేపలను పెంచుతున్న వారిపై చర్యలు తీసుకోవాలని ప్రజలు కోరుతున్నారు.