అనంతగిరి, కోటిపల్లి ప్రాజెక్టులకు పర్యాటకులు రావొద్దు

హైదరాబాద్: వికారాబాద్ జిల్లాలో శనివారం భారీ వర్షం కురుస్తోంది. అనంతగిరి, కోటపల్లి ప్రాజెక్టులకు పర్యాటకులు రావొద్దని అధికారులు హెచ్చిరించారు. భారీ వర్షాలకు వికారాబాద్ జిల్లాలో ఆరెంజ్ అలర్ట్ జారీ చేశారు. ఈసా, మూసీ నదులకు భారీగా వరద నీరు వస్తోంది. భారీ వర్షాలకు వికారాబాద్ అనంతగిరి కొండల నుంచి వదర ప్రవాహం కొనసాగుతోంది. భారీ వర్షాలతో వికారాబాద్ లో సరస్సులు పొంగిపొర్లుతున్నాయి. మూసా, ఈసా, కగినా,  ధూంధుభి జిల్లాలో జన్మించే నదులు ఉప్పొంగి ప్రవహిస్తున్నాయి. సాయంత్రం వరకు జిల్లా అంతటా వర్షం కొనసాగే అవకాశం ఉంది, ఆ తర్వాత తగ్గుముఖం పట్టే అవకాశం ఉంది. వికారాబాద్ జిల్లాలోని దోమ మండలంలోని బుద్లాపూర్ సరస్సు పొంగిపొర్లుతోంది. వికారాబాద్ లో పరిస్థితిపై కలెక్టర్ ప్రతీక్ జైన్, ఎస్పీ నారాయణరెడ్డి సమీక్షిస్తున్నారు. 

కాగా, భారీ వర్షాల ప్రభావంతో హైదరాబాద్ అతలాకుతలమవుతోంది. నగరంలోని పాత నగరం తీవ్ర వరదలను ఎదుర్కొంటోంది. మూసీ నది ప్రమాదకరంగా ఉప్పొంగుతోంది. లోతట్టు ప్రాంతాలను ప్రమాదంలో పడేస్తోంది. వందలాది మందిని ఇళ్లు ఖాళీ చేయవలసి వస్తోంది. హైదరాబాద్ లోని పలు ప్రాంతాల్లో శనివారం తెల్లవారుజాము నుంచే వర్షం కురుస్తోంది. రాజేంద్రనగర్, అత్తాపూర్, హిమాయత్ సాగర్, కిస్మత్ పూర్, గండిపేట్, శంషాబాద్, కార్వాన్, జియాగూడ, లంగర్ హౌస్,బంజారాహిల్స్, ఫిలింనగర్, జూబ్లీహిల్స్, మణికొండ, అమీర్ పేట, హైటెక్ సిటీ, మాదాపూర్ మియాపూర్, పంజాగుట్ట, ఎర్రగడ్డ తదితర ప్రాంతాల్లో వర్షం పడుతోంది.

పలు జిల్లాల్లో భారీ వర్షాలు నమోదయ్యాయి.

అత్యధిక వర్షపాతం:

• వికారాబాద్ (మోమిన్ పేట్) – 151.3 మి.మీ

• రంగా రెడ్డి (మొయినాబాద్/షాబాద్) – 118 మి.మీ

• జోగులాంబ గద్వాల్ (ఘట్టు) - 114 మి.మీ