హైదరాబాద్: హైదరాబాద్(Hyderabad Rains) పరిసర జిల్లాలైన రంగారెడ్డి, మేడ్చల్-మల్కాజ్‌గిరిలోని అనేక ప్రాంతాల్లో సోమవారం అర్ధరాత్రి నుండి మంగళవారం తెల్లవారుజామున మధ్య ఒక మోస్తరు వర్షాలు కురిశాయి. సోమవారం ఉదయం 60 మి.మీ నుండి 20 మి.మీ వరకు నమోదైన మోస్తరు వర్షాల ప్రభావంతో, మూడు జిల్లాల్లోని చాలా ప్రాంతాలలో చలి, మేఘావృతమైన వాతావరణ పరిస్థితులు నెలకొన్నాయి. 

సోమవారం రాత్రి నుండి మంగళవారం సాయంత్రం వరకు కుత్బుల్లాపూర్ పరిధిలోని ప్రాంతాలు, మేడ్చల్-మల్కాజ్‌గిరి జిల్లాలోని(Medchal-Malkajgiri District) ఇతర ప్రాంతాలలో ఎక్కువ వర్షపాతం నమోదైంది. గాజులరామరం ప్రాంతంలో అత్యధికంగా 60.8 మి.మీ వర్షపాతం నమోదైంది. తరువాత కుత్బుల్లాపూర్‌లోని గాయత్రినగర్‌లో 34.8 మి.మీ వర్షపాతం నమోదైంది.సంగారెడ్డి జిల్లాలోని కూకట్‌పల్లి, రాజేంద్రనగర్‌, మారేడ్‌పల్లి, బాలానగర్‌, మెట్టుగూడ, బోవెన్‌పల్లి, రామచంద్రాపురం, కంటోన్‌మెంట్‌ ఏరియాలోని పికెట్‌,యూసుఫ్‌గూడ (ఖైరతాబాద్‌), హయత్‌నగర్‌, బన్సీలాల్‌పేట, హయత్‌నగర్‌, బన్సీలాల్‌పేట, షేక్‌పేట్, ముషీరాబాద్‌లోని భోలక్‌పూర్, ముషీరాబాద్‌ తదితర ప్రాంతాల్లో 34 నుంచి 25 మిల్లీమీటర్ల వర్షం కురిసిందని వాతావరణ శాఖ అధికారులు ప్రకటించారు.