అక్రమ నిర్మాణాల కూల్చివేతలపై ప్రభుత్వానికి హైడ్రా నివేదిక

హైదరాబాద్: చెరువుల్లో అక్రమ కట్టడాలపై హైడ్రా ఉక్కుపాదం మోపుతోంది. నగరంలోని 18 ప్రాంతాల్లో చేపట్టిన కూల్చివేత చర్యల వివరాలతో కూడిన హైడ్రా నివేదికను రాష్ట్ర ప్రభుత్వానికి సమర్పించింది. పద్దెనిమిది చోట్ల జరిపిన కూల్చివేతల్లో 44 ఎకరాల స్థలాన్ని హైడ్రా కాపాడింది. పల్లం రాజు, అక్కినేని నాగార్జున, సునీల్‌రెడ్డి వంటి ప్రముఖులకు చెందిన నిర్మాణాలపై కూల్చివేతలు ప్రభావం చూపాయని నివేదిక వెల్లడించింది.

నివేదిక ప్రకారం, చింతల్ బీఆర్‌ఎస్ నాయకుడు రత్నాకర్ రాజు, కావేరీ సీడ్స్ యజమాని భాస్కర్ రావు, ప్రొ కబడ్డీ యజమాని అనుపమ ఆస్తులను కూడా కూల్చివేశారు. లోటస్ పాండ్, మన్సూరాబాద్, బంజారాహిల్స్, బీజేఆర్ నగర్, గాజులరామారం, అమీర్‌పేట తదితర ప్రాంతాల్లో అక్రమ కట్టడాలను కూల్చివేశారని నివేదిక పేర్కొంది. ఈ చర్యలు నగరంలో ఆర్థిక అవకతవకలను తగ్గించడం  క్రమబద్ధమైన అభివృద్ధిని ప్రోత్సహించే లక్ష్యంతో ఉన్నాయని అధికారులు పేర్కొన్నారు.