1. హైదరాబాద్ సీపీ సజ్జనార్ 
   

86 మంది సభ్యులు బైండోవర్

హైదరాబాద్ సిటీ బ్యూరో, నవంబర్ 29 (విజయక్రాంతి): నగరంలో ముఠా తగాదాలతో జనాలను భయభ్రాంతులకు గురిచేస్తు న్న రౌడీమూకలకు సీపీ సజ్జనార్ వార్నింగ్ ఇచ్చారు. అదనపు జిల్లా మేజిస్ట్రేట్ హోదా లో ఆయన శుక్రవారం ప్రత్యేక కోర్టును నిర్వహించి, ఏకంగా 10 ముఠాలకు చెందిన 86 మందిని బైండోవర్ చేశారు. నగరంలోని సౌత్, సౌత్ ఈస్ట్, సౌత్ వెస్ట్ జోన్ల పరిధిలో పలు ముఠాలు ఆధిపత్యం కోసం ఘర్షణ పడుతున్నాయి.

ఈ పరిణామాలను సీరియస్‌గా తీసుకున్న సీపీ.. ఆయా గ్యాంగులకు చెందిన 86 మందిని బంజారా హిల్స్‌లోని కమాండ్ కంట్రోల్ సెంటర్ కు పిలిపించారు. అక్కడ ఏర్పాటు చేసిన ప్రత్యేక కోర్టులో విచారించారు. బీఎన్‌ఎస్ సెక్షన్ 126 కింద వారిని బైండోవర్ చేశారు. ఏడాది కాలం పాటు అసాంఘిక కార్యకలాపాలకు పాల్పడబోమని, సత్ప్రవర్తనతో ఉంటామని వారిచే సెక్యూరిటీ బాండ్లు రాయించుకున్నారు.