1. నేడు నామినేషన్ల పరిశీలన, అభ్యర్థుల జాబితా ప్రకటన
2.   3వ తేదీన నామినేషన్ల ఉపసంహరణ
3. రెండో విడత నామినేషన్ల ప్రక్రియ నేటినుంచి మొదలు

హైదరాబాద్, నవంబర్ 29 (విజయక్రాంతి): తెలంగాణలోని పంచాయ తీ ఎన్నికలకు సంబంధించిన తొలి విడత నామినేషన్ల ప్రక్రియ ముగిసిం ది. గురువారం మొ దలైన నామినేషన్ల స్వీకరణ శనివారం సాయంత్రం 5 గం టలతో పూర్తి అయింది. మొదటి విడత ఎన్నికల్లో భాగంగా 31 జిల్లాల్లో 189 మండలాల్లో 4,236 సర్పంచ్ స్థానాలకు, 37,440 వార్డులకు ఎన్నికలు నిర్వహించబోతున్నారు.

ఇందులో భా గంగా ఆదివారం నామినేషన్లను పరిశీంచి చెల్లుబాటు అయ్యే అభ్యర్థుల జా బితాను అధికారులు సిద్ధం చేయనున్నారు. ఒక వేళ సర్పంచ్, వార్డు మెంబర్ అభ్యర్థి నామినేషన్లు తిరస్కరణకు గురైతే సదరు అభ్యర్థి సంబంధిత రెవె న్యూ డివిజనల్, సబ్ కలెక్టర్ వద్ద రిటర్నింగ్ అధికారిపై డిసెంబర్ 1వ తేదీ వరకు అప్పీల్ చేసుకోవచ్చు. డిసెంబర్ 2న అప్లీళ్లను పరిష్కరిస్తారు. డిసెంబర్ 3న నామినేషన్ల ఉపసంహరణకు గడువు విధించారు.

అదే రోజు మ ధ్యాహ్నం 3 గంటల తర్వాత బరిలో నిలిచిన అభ్యర్థుల జాబితాను అభ్యర్థులు ప్రక టించి వారికి ఎన్నికల గుర్తుల ను కేటాయించనున్నారు. డిసెంబర్ 11న ఉదయం 7 గంటల నుంచి మధ్యా హ్నం 1 గంట వరకు పోలింగ్ నిర్వహించి అదే రోజున మధ్యాహ్నం 2 గంటల నుంచి ఓట్లు లెక్కించి ఫలితాలు ప్రకటించనున్నారు. నా మినేషన్ల ప్రక్రియ ముగియడంతో గ్రామా ల్లో ప్రచారం హడావుడి మొదలైంది. ఓటర్లను ఆకట్టుకుని గెలుపే లక్ష్యంగా పోటీదా రులు ప్రణాళికలు రచిస్తున్నారు. 

నేటి నుంచి రెండో విడత 

పంచాయతీ ఎన్నికల మొదటి విడత నామినేషన్ల ప్రక్రియ ముగియడంతో నేటి నుంచి రెండో విడత ఎన్నికల కోసం నామినేషన్లు స్వీకరించనున్నారు. రెండో విడతలో నామినేషన్ల స్వీకరణకు డిసెంబర్ 2 వరకు తుది గడువు విధించారు. డిసెంబర్ 3వ తేదీన నామినేషన్ల పరిశీలన, డిసెంబర్ 6న నామినేషన్ల ఉపసంహరణకు అవకాశం కల్పించారు. అదే రోజున అభ్యర్థుల తుది జాబితా ప్రకటించి వారికి ఎన్నికల గుర్తును కేటాయించనున్నారు.

వచ్చే నెల 14న పోలింగ్ నిర్వహించి అదే రోజు ఫలితం ప్రకటిస్తారు. ఈ క్రమంలో మూడో విడత ఎన్ని కలకు డిసెంబర్ 3వ తేదీ నుంచి నామినేషన్లు స్వీకరించనున్నారు. రెండో విడతలో 4,333 సర్పంచ్ స్థానాలు, 38,350 వార్డులకు పోలింగ్ జరగనుండగా.. మూడో విడత లో 4,159 సర్పంచ్ స్థానాలు, 36,452 వార్డులకు పోలింగ్ నిర్వహించనున్నారు.