1. సర్పంచ్ ఎన్నికలు ఆపి, 42 శాతం రిజర్వేషన్లను అమలు చేయాల్సిందే
2. తెలంగాణ బీసీ జేఏసీ చైర్మన్ ఆర్ కృష్ణయ్య
3. బషీర్‌బాగ్ చౌరస్తా నుంచి బాబు జగ్జీవన్‌రావ్ విగ్రహం వరకు బీసీల తిరుగుబాటు యాత్ర ర్యాలీ

ముషీరాబాద్, నవంబర్ 29 (విజయక్రాంతి): స్థానిక సంస్థల ఎన్నికల్లో బీసీ రిజ ర్వేషన్ల అమలులో అక్రమాలు, అవకతవకలు జరిగాయని తెలంగాణ బీసీ జేఏసీ చైర్మ న్, ఎంపీ ఆర్ కృష్ణయ్య ఆరోపించారు. స్థాని క ఎన్నికలను వాయిదావేసి, 42% బీసీ రిజర్వేషన్లను అమలు చేయాల్సిందేనని ఆయన డిమాండ్ చేశారు. హైకోర్టుకు సమర్పించిన డెడికేటెడ్ కమిషన్ రిపోర్టులు పారదర్శకతకు భిన్నంగా సీల్డ్ కవర్‌లో ఎందుకిచ్చారు? అని ఆయన ప్రశ్నించారు.

శనివారం తెలంగాణ రాష్ట్ర బీసీ యువజన సంఘం అధ్య క్షుడు జిల్లపల్లి అంజి, బీసీ విద్యార్థి సంఘం రాష్ట్ర కన్వీనర్  రాందేవ్ మోడీ ఆధ్వర్యంలో ఎన్నికలను వాయిదా వేయాలని డిమాండ్ చేస్తూ బషీర్‌బాగ్ చౌరస్తా నుంచి బాబూ జగ్జీవన్‌రాం విగ్రహం వరకు బీసీల తిరుగుబాటు యాత్ర భారీ ర్యాలీని నిర్వహించారు. ఈ సందర్భంగా ఆర్ కృష్ణయ్య మాట్లాడుతూ.. డాక్టర్ వకుళాభరణం కృష్ణమోహన్ రావు హైకోర్టుకు సమర్పించిన డెడికేటెడ్ కమిషన్ నివేదికలో ప్రామాణిక పద్ధతులు పాటించలేదని, హైకోర్టు అసంతృప్తిని వ్యక్తం చేసినప్పటికీ, రిజర్వేషన్ల కేటాయింపులో అన్యాయం జరిగిందన్నారు.

రాష్ట్ర బీసీ కమిషన్ తప్పు పట్టినప్పటికీ ప్రభుత్వం స్థానిక సంస్థల ఎన్నికలకు వెళ్లడం నియంతృత్వ పోకడ, ఫ్యూడల్ భావజాలానికి నిదర్శనమన్నారు. దిద్దుబాటు చర్యలు చేపట్టాలని డిమాండ్ చేశారు. అలా కాకుండా మొండి వైఖరితో ఎన్నికలు నిర్వహించాలని చూస్తే తగిన గుణపాఠం చెబుతామని ఆయన హెచ్చరించారు.  ప్రభుత్వం వెంటనే ఎన్నికలను వాయిదావేసి, 42% బీసీ రిజర్వేషన్ల అమలుకు చర్య లు చేపట్టాలని డిమాండ్ చేశారు.

రాష్ట్ర బిసి కమిషన్ మాజీ ఛైర్మన్ డాక్టర్ వకుళాభరణం కృష్ణమోహన్‌రావు ప్రసంగిస్తూ .. చట్టసభలను, హైకోర్టును, ప్రజలను తప్పుదోవ పట్టిస్తూ, రేవంత్ ప్రభుత్వం నియంతృత్వ వైఖరితో పాలన కొనసాగిస్తున్నదని ఆరోపించారు. బీసీ సంక్షేమ సంఘం జాతీయ కో ఆర్డినేటర్ డాక్టర్ ర్యాగ రుషి అరున్‌కుమార్ ప్రసంగిస్తూ.. ప్రభుత్వం ప్రజలకు మేలు చేయా ల్సిందిపోయి రహస్య ఎజెండాలతో కీడుచేసే పనులను చేపడుతున్నదని ఆయన ఆరోపించారు. ఈ కార్యక్రమంలో మున్నూరుకాపు మహాసభ అధ్యక్షుడు కొండ దేవయ్య, బీజేపీ ఓబీసీ మోర్చా అధ్యక్షుడు ఆనంద్ గౌడ్, బీసీ సంక్షేమ సంఘం నాయకులు సి రాజేందర్, జి అనంతయ్య, భీంరా జ్, లింగయ్య యాద వ్, రాజునేత తదిత రులు  పాల్గొన్నారు.