1. పార్టీ కోసం పనిచేసిన వారికే పదవుల్లో ప్రాధాన్యం
2. టీపీసీసీ పరిశీలకుడు జంగా రాఘవరెడ్డి 

బెల్లంపల్లి అర్బన్, మే 4: కాంగ్రెస్ పార్టీ కోసం అంకితభావంతో పని చేసే వారికే ప్రాధాన్యత అనీ, పార్టీలో సంస్థాగత పదవు లు వస్తాయని టీపీసీసీ పరిశీలకులు, రాష్ట్ర తెలంగాణ కో ఆయిల్ సీడ్స్ అండ్ గోవర్ ఫెడరేషన్ చైర్మన్ జంగా రాఘవరెడ్డి అన్నారు.

బెల్లంపల్లి ఎమ్మెల్యే క్యాంపు కార్యాలయం ఆవరణలో ఆదివారం కాంగ్రె స్ పార్టీ నియోజకవర్గ నిర్మాణ సంస్థాగత సన్నాహక సమావేశాలు చేపట్టారు. ఈ సమావేశానికి రాఘవ రెడ్డి ముఖ్య అతిథిగా హాజరై మాట్లాడారు. పార్టీ పదవులు ఆశించే వారు గ్రామ, మండల, బ్లాకు, పట్టణ పదవు ల  కోసం దరఖాస్తులు చేసుకోవాలని వారి విన్నతులు పార్టీ అధిష్టానానికి నివేదిస్తామన్నారు.

పదవులు ఇచ్చేది పార్టీ అధిష్టానమే నని, పదవుల నియామకంలో పారదర్శకతోనే వ్యవహరిస్తామని స్పష్టం చేశారు. పీసీసీ, ఏఐసీసీ సూచనల మేరకే పార్టీ పదవులు ప్రకటించబడతాయన్నారు. ఈ విషయాన్ని పార్టీ నాయకులు, కార్యకర్తలు గ్రహించాలని ఆయన పేర్కొన్నారు.

రాష్ట్రాన్ని అప్పుల్లో నెట్టిన కేసీఆర్

మిగులు బడ్జెట్‌తో ఉన్న  రాష్ట్రాన్ని  పదేళ్లపాటు పాలించిన కేసీఆర్ రాష్ట్రాన్ని 7.50 లక్షల కోట్ల అప్పుల ఊబిలోకి నెట్టివేశారని బెల్లంపల్లి ఎమ్మెల్యే గడ్డం వినోద్ అన్నారు. కేసీఆర్‌కు ప్రజాపాలన సాగిస్తున్న కాంగ్రెస్ పార్టీని, సీఎం రేవంత్ రెడ్డిని విమర్శించే నైతిక అర్హత లేదన్నారు. పార్టీ కోసం కష్టపడి పనిచేసిన సీనియర్లకే పార్టీ అధిష్టానం సం స్థాగత పదవులు ఇస్తుందన్నారు.

ప్రజా సంక్షేమ పథకాలను నాయకులు కార్యకర్తలు ప్రజల్లోకి తీసుకువెళ్లాలన్నారు. ప్రతిపక్షాల తప్పుడు ప్రచారాన్ని తిప్పి కొట్టాలి అన్నారు. ఈ సమావేశంలో టీపీసీసీ సభ్యులు రాం భూపాల్, చిలుముల శంకర్, మాజీ మున్సిపల్ చైర్మన్ సూరిబా బు, మాజీ మార్కెట్ కమిటీ చైర్మన్ రాంచందర్, కన్నెపల్లి, నెన్నెల, భీమిని, కాసీపేట, వేమనపల్లి, బెల్లంపల్లి మున్సిపల్, రూరల్‌లకు చెందిన నాయకులు కార్యకర్తలు పాల్గొన్నారు.