న్యూఢిల్లీ: గృహ కొనుగోలుదారులతో జరిగిన మోసానికి సంబంధించిన మనీలాండరింగ్ కేసు(Money laundering case) దర్యాప్తులో రియల్టీ కంపెనీ జేపీ ఇన్‌ఫ్రాటెక్ లిమిటెడ్(Jaypee Infratech Limited) ఎండీ మనోజ్ గౌర్‌ను(Manoj Gaur arrested) ఎన్‌ఫోర్స్‌మెంట్ డైరెక్టరేట్ అరెస్టు చేసిందని అధికారిక వర్గాలు గురువారం తెలిపాయి. మనీలాండరింగ్ నిరోధక చట్టం నిబంధనల కింద వ్యాపారవేత్తను అదుపులోకి తీసుకున్నట్లు వారు తెలిపారు. మనీలాండరింగ్ నిరోధక సంస్థ జేపీ ఇన్‌ఫ్రాటెక్ లిమిటెడ్, జైప్రకాష్ అసోసియేట్స్ లిమిటెడ్, వాటి అనుబంధ సంస్థలతో సంబంధం ఉన్న ప్రదేశాలలో సోదాలు నిర్వహించిన నెలల తర్వాత ఈ అరెస్టు జరిగింది. మనోజ్ గౌర్ అరెస్టుకు రూ. 12,000 కోట్ల మనీలాండరింగ్, మోసం కేసుతో సంబంధం ఉందని నివేదికలున్నాయి. మే నెలలో, మనీలాండరింగ్ నిరోధక చట్టం (PMLA), 2002 నిబంధనల ప్రకారం ఢిల్లీ-ఎన్సీఆర్, ముంబై అంతటా 15 ప్రాంగణాలలో ఈడీ అధికారులు(Enforcement Directorate) సోదాలు నిర్వహించారు.

 దివాలా తీసిన నోయిడాకు చెందిన బిల్డర్ జైప్రకాష్ అసోసియేట్స్ లిమిటెడ్ (Jaiprakash Associates Limited) కార్యాలయాలు,  ప్రాంగణాలు, దాని సంబంధిత సంస్థలు, దాని ప్రమోటర్లు, డైరెక్టర్ల ఇళ్లలో సోదాలు జరిగాయి. గౌర్సన్స్ ఇండియా ప్రైవేట్ లిమిటెడ్, గుల్షన్ హోమ్జ్ ప్రైవేట్ లిమిటెడ్, మహాగున్ రియల్ ఎస్టేట్ ప్రైవేట్ లిమిటెడ్ వంటి కీలక వ్యాపార సహచరులకు సంబంధించిన ప్రదేశాలను కూడా ఈడీ సోదాలు చేసింది. జెఎఎల్, జేపీ ఇన్‌ఫ్రాటెక్ లిమిటెడ్ (జెఐఎల్), వాటి ప్రమోటర్లు, డైరెక్టర్లపై ఢిల్లీ, ఉత్తరప్రదేశ్ పోలీసుల ఆర్థిక నేరాల విభాగం (Economic Offences Wing) దాఖలు చేసిన ఎఫ్‌ఐఆర్‌ల ఆధారంగా ఇడి దర్యాప్తు ప్రారంభించింది. జేపీ విష్‌టౌన్, జేపీ గ్రీన్స్ వంటి ప్రాజెక్టులలో ఆస్తి కేటాయింపుకు సంబంధించిన తప్పుడు వాగ్దానాలతో గృహ కొనుగోలుదారులు, పెట్టుబడిదారులను తప్పుదారి పట్టించారని ఎఫ్‌ఐఆర్‌లు ఆరోపించాయి. సోదాల సమయంలో అధికారులు ఆర్థిక రికార్డులు, డిజిటల్ పరికరాలు, ప్రమోటర్లు, వారి కుటుంబ సభ్యుల యాజమాన్యంలోని ఆస్తులకు సంబంధించిన పత్రాలు, రూ. 1.70 కోట్ల నగదును స్వాధీనం చేసుకున్నారు.