జొకోకు షాక్

జెనీవా: టెన్నిస్ ప్రపంచ నంబర్‌వన్ నొవాక్ జొకోవిచ్‌కు షాక్ తగిలింది. జెనీవా ఓపెన్‌లో ఈ సెర్బియా వీరుడు సెమీస్‌లో వెనుదిరిగాడు. శుక్రవారం జరిగిన పురుషుల సింగిల్స్ సెమీఫైనల్లో జొకోవిచ్ 4 6 1 టోమస్ మెక్‌హక్ (చెక్ రిపబ్లిక్) చేతిలో పరాజయం పాలయ్యాడు. కాగా తన కెరీర్‌లో అతిపెద్ద విజయాన్ని నమోదు చేసిన మెక్‌హక్‌కు ఇదే తొలి ఏటీపీ టూర్ ఫైనల్ కావడం విశేషం. మెక్‌హక్‌కు తొలి సెట్‌ను కోల్పోయిన జొకోవిచ్ రెండో సెట్‌లో ఫుంజుకొని సర్వీస్ కోల్పోకుండా 6 సెట్‌ను కైవసం చేసుకున్నాడు. కానీ నిర్ణయాత్మక మూడో రౌండ్‌లో మెక్‌హక్ పోరాటానికి తలవంచిన జొకోవిచ్ పరాజయం చవిచూశాడు. ఫ్రెంచ్ ఓపెన్‌కు సన్నాహకంగా భావించిన జెనీవా టోర్నీలో విజేతగా నిలవాలనుకున్న జొకోవిచ్‌కు నిరాశే ఎదురైంది. ప్రతిష్ఠాత్మక గ్రాండ్‌స్లామ్ టోర్నీ ఫ్రెంచ్ ఓపెన్ ఆదివారం నుంచి ప్రారంభం కానుంది.