అడివి శేష్ హీరోగా నటిస్తున్న తాజాచిత్రం ‘డకాయిట్’. ప్రేమ -ప్రతీకార కథనం నేపథ్యంలో రూపొందిన ఈ చిత్రానికి నూతన దర్శకుడు షానియల్ డియో దర్శకత్వం వహిస్తున్నారు. ఇందులో మృణాల్ ఠాకూర్ కథానాయిక. ప్రస్తుతం హైదరాబాద్‌లో ఈ సినిమాకు సంబంధించి లీడ్ యాక్టర్స్‌తో కీలక సన్నివేశాల్ని చిత్రీకరిస్తున్నారు. గురువారం మృణాల్ ఠాకూర్ బర్త్‌డే.

ఈ సందర్భంగా మేకర్స్ ఆమె పోషిస్తున్న ‘జూలియట్’ అనే పాత్రను పవర్‌ఫుల్, ఎమోషనల్ అవతార్‌లో చూపిస్తూ ఓ ఇంటెన్స్ పోస్టర్‌ను రిలీజ్ చేశారు. ఈ కథలో జూలియట్ కేవలం లవ్ ఇంటరెస్ట్ కాదు, రివెంజ్ డ్రామాకు సెంట్రల్ క్యారెక్టర్.

మృణాల్ పోషించిన జూలియట్ పాత్ర తెలుగులో ఇప్పటివరకు చూసిన హీరోయిన్ల కంటే వేరే లెవెల్లో ఉంటుంది. సుప్రియా యార్లగడ్డ నిర్మిస్తున్నారు. సునీల్ నారంగ్ సహ నిర్మాత కాగా, భీమ్స్ సిసిరోలియో సంగీతం అందిస్తున్నారు. ఈ చిత్రం డిసెంబర్ 25న థియేటర్లలో విడుదల కానుంది.