కేసీఆర్ పుట్టినరోజు వేడుకలు

కాగజ్ నగర్,(విజయ క్రాంతి): కాగజ్ నగర్ పట్టణంలో మాజీ ఎమ్మెల్యే కోనేరు కోనప్ప నివాసం మంగళవారం టిఆర్ఎస్ అధినేత, మాజీ ముఖ్యమంత్రి కెసిఆర్ పుట్టినరోజు వేడుకలను నిర్వహించారు. ఈ సందర్భంగా కేక్ కోసి సీట్లు పంపిణీ చేశారు. మాజీ ఎమ్మెల్యే కోనేరు కోనప్ప మాట్లాడుతూ, కేసీఆర్ నాయకత్వంలో తెలంగాణ రాష్ట్రం అభివృద్ధి పథంలో దూసుకెళ్లిందని అన్నారు.

ఆయన చూపిన దారిలోనే పార్టీ ముందుకు సాగుతుందని పేర్కొన్నారు. మహిళా శక్తి బీఆర్‌ఎస్‌కు బలమని, రాబోయే రోజుల్లో పార్టీ విజయానికి అందరూ కృషి చేయాలని పిలుపునిచ్చారు. వేడుకల సందర్భంగా మహిళలు నినాదాలు చేస్తూ ఆనందోత్సాహాలతో కార్యక్రమాన్ని నిర్వహించారు. అనంతరం మిఠాయిలు పంపిణీ చేసి పరస్పరం శుభాకాంక్షలు తెలుపుకున్నారు. ఈ కార్యక్రమంలో పార్టీ నాయకులు, కార్యకర్తలు, మహిళా అభిమానులు పాల్గొన్నారు.