హైదరాబాద్: ఖమ్మం మున్సిపల్ కార్పొరేషన్‌లో(Khammam Municipal Corporation) బుధవారం మరో ముగ్గురు కార్పొరేటర్లు కాంగ్రెస్‌లో చేరడంతో బీఆర్‌ఎస్‌కు మరో ఎదురుదెబ్బ తగిలింది. ముఖ్యమంత్రి రేవంత్ రెడ్డి(Chief Minister Revanth Reddy) హైదరాబాద్‌లో కాంగ్రెస్ కండువాలు కప్పి వారిని పార్టీలోకి అధికారికంగా స్వాగతించారు. కాంగ్రెస్‌లో చేరిన కార్పొరేటర్లలో ధనియాల రాధా, తోట ఉమారాణి, రుద్రగాని శ్రీదేవి ఉన్నారు. మంత్రి తుమ్మల నాగేశ్వరరావు(Minister Tummala Nageswara Rao) ఆధ్వర్యంలో చేరిక కార్యక్రమం జరిగింది. గతంలో, సి.హెచ్. లక్ష్మి, జి. చంద్రకళ, డి. సరస్వతి, అమృతమ్మ, ఎం. శ్రావణి సహా ఐదుగురు కార్పొరేటర్లు బీఆర్ఎస్ పార్టీని వీడి కాంగ్రెస్‌లో చేరారు. కొత్తగా పార్టీలో చేరిన ఈ కార్పొరేటర్లు ఆ తర్వాత ముఖ్యమంత్రి రేవంత్ రెడ్డిని మర్యాదపూర్వకంగా కలిశారు. కార్యక్రమంలో ఎమ్మెల్యే రాగమయి, మాజీ ఎమ్మెల్సీ బాలసాని లక్ష్మీనారాయణ తదితరులు పాల్గొన్నారు.