మంత్రి పొన్నం ప్రభాకర్ పిలుపు

చిగురు మామిడి, నవంబర్30(విజయక్రాంతి):కరీంనగర్ జిల్లాచిగురు మామిడి మండల కేంద్రంలోని మహాలక్ష్మి గార్డెన్స్ లో హుస్నాబాద్ నియోజకవర్గంలో ముఖ్యమంత్రి రేవంత్ రెడ్డి పర్యటన, సర్పంచ్ ఎన్నికల పై ముఖ్య నేతలతో మంత్రి పొన్నం ప్రభాకర్ సమీక్షా సమావేశం నిర్బహించారు.ముఖ్యమంత్రి రేవంత్ రెడ్డి హుస్నాబాద్ లో అభివృద్ధి కార్యక్రమాలకు శంకుస్థాపనలు చేయడంతో పాటు బహిరంగ లో పాల్గొంటారని, సభను విజయవంతం చేయాలని పిలుపినిచ్చారు.

చిగురు మామిడి మండలంలో ప్రతి గ్రామంలో ఇంటింటా ముఖ్యమంత్రి పర్యటన పై కరపత్రాలు పంపిణీ చేయాలని కార్యకర్తలకు సూచించారు. బహిరంగ సభకు తరలిరావాలి నేతలంతా సమన్వయం చేసుకోవాలన్నారు.సర్పంచ్ ఎన్నికల్లో చిగురు మామిడి మండలంలో మన అభ్యర్థులు క్లీన్ స్వీప్ చేయాలనిఅందుకోసం నేతలంతా సమన్వయం చేసుకుంటూ పని చేయాలన్నారు. ప్రతి గ్రామంలో మన పార్టీకి సంబంధించిన అభ్యర్థి ఒక్కరే ఉండాలని వారు గెలవడానికి మిగిలిన నేతలంతా ఐక్యంగా పని చేయాలని కోరారు.ప్రజా పాలన ప్రభుత్వంలో అమలు చేస్తున్న సంక్షేమ పథకాలు అభివృద్ధి కార్యక్రమాలు ఇంటింటా తీసుకెళ్లాలన్నారు.

నూతన రేషన్ కార్డులు, సన్న బియ్యం పంపిణీ,ఇందిరమ్మ ఇళ్లు ,మహిళా సంఘాలకు వడ్డీలేని రుణాలు,200 యూనిట్ల ఉచిత విద్యుత్,500 కి గ్యాస్, సన్న వడ్లు బోనస్ ,రుణమాఫీ ,రైతు భరోసా , ఆర్టీసీ లో మహిళలకు ఉచిత బస్సు ప్రయాణం,పథకాలు ప్రజల్లోకి తీసుకెళ్లాలని కోరారు.గౌరవెల్లి ప్రాజెక్ట్ పై అడ్డంకులు ఒక్కొకటిగా తొలగుతున్నాయని కాలువలు పూర్తి చేసి నియోజకవర్గాన్ని సస్య శ్యామలం చేస్తామన్నారు.మీరు నా గెలుపు కు ఎలా పని చేశారో.. నేను మీ అందరి విజయానికి పని చేస్తా.. అందరూ ఐక్యంగా పని చేసి మన అభ్యర్థులు గెలిచేలా కృషిచేయాలన్నారు.