హైదరాబాద్: పెళ్లి చేసుకుంటానని చెప్పి ఒక మహిళపై లైంగిక దాడి చేసి, ఆమెను గర్భవతిని చేశాడనే ఆరోపణలతో ఫిల్మ్‌నగర్ పోలీసులు(Filmnagar Police) ఒక వ్యక్తిపై కేసు నమోదు చేశారు. సాఫ్ట్‌వేర్ ప్రొఫెషనల్‌గా(Software professional) పనిచేస్తున్న అర్చిత్ పి (28) అనే వ్యక్తి బాధితురాలిని ఏడాది క్రితం కలిశాడు. వారిద్దరూ దగ్గరి సంబంధం కలిగి ఉండటంతో అర్చిత్ త్వరలోనే ఆమెను పెళ్లి చేసుకుంటానని ఆ మహిళతో చెప్పాడని తెలుస్తోంది. ఫిబ్రవరిలో, ఆ మహిళ గర్భం దాల్చింది. అర్చిత్ ఆమెను గర్భస్రావం కోసం ఆసుపత్రికి తీసుకెళ్లాడు. ఆ తర్వాత ఆ మహిళ పోలీసులను ఆశ్రయించి, పెళ్లి చేసుకుంటానని చెప్పి ఆ వ్యక్తి తనను మోసం చేశాడని ఫిర్యాదు చేయగా, పోలీసులు వారికి కౌన్సెలింగ్ ఇచ్చి పంపించేశారు. మే మధ్యలో, పెళ్లి చేసుకుంటానని చెప్పి అర్పిత్ తనపై లైంగిక వేధింపులకు పాల్పడ్డాడని ఆ మహిళ మళ్లీ పోలీసులను ఆశ్రయించింది. ఫిర్యాదు ఆధారంగా పోలీసులు అర్చిత్ పై కేసు నమోదు చేసి దర్యాప్తు చేస్తున్నారు.