6 April, 2026 | 3:41 AM 
మారణహోమం
06-04-2026 02:03 AM
యుద్ధం శూన్యమై ప్రశ్నిస్తుంది
మళ్లీ ఎక్కడి నుంచి తెచ్చి
ఈ వెలితి నింపుతావని?
కోట్ల సంవత్సరాలు ప్రేమ పునాదులతో
పెనువేసుకున్న పంటలు
యుద్ధంలో బూడిదై వెక్కిరిస్తున్నాయి
తలలు తెగి మొండేలను వెతుకుతున్నవి
రక్తం వరదలై పారి దేహాలను వెతుకుతున్నది
ప్రాణాలు భయపడి దేహం విడిచి
గగనమెక్కి దుఃఖిస్తున్నవి
ఎంతకూ వీడని ప్రేమ బంధాలు
కంటి కొసల నుంచి ద్రవిస్తున్నవి
యుద్ధం దుఃఖాన్ని తప్ప
సంతోషాలను ఎప్పటికీ పండించలేదు !
ఇస్తారి
