సమీప గ్రామ యువకునితో సన్నిహితం

నల్గొండ క్రైమ్: మైనర్ బాలికపై లైంగిక దాడి జరగడంతో మంగళవారం యువకుని స్నేహితుని గదిలో బాలిక మృతి చెందింది. నల్గొండ పట్టణ సమీపంలోని ఓ గ్రామానికి చెందిన మైనర్ బాలికతో గుట్ట కింది అన్నారం గ్రామానికి చెందిన గడ్డం కృష్ణతో గత 6 నెలలుగా సన్నిహితంగా ఉంటున్నారు. మైనర్ బాలిక నల్గొండ పట్టణంలోని జూనియర్ కళాశాలలో ఇంటర్ మొదటి సంవత్సరం చదువుతుంది. స్వగ్రామం నుండి కళాశాలకు రోజు వచ్చిపోతున్న మైనర్ బాలికతో సమీప గ్రామానికి చెందిన కృష్ణతో సన్నిహిత సంబంధం ఏర్పడింది. యువకుని స్నేహితుడు కళాశాల వద్దకు వచ్చే ఆటోలో ఆ బాలికను అద్దెకుంటున్న గదిలోకి తీసుకెళ్లాడు. గడ్డం కృష్ణ మైనర్ బాలికతో సన్నిహితంగా ఉన్న క్రమంలో తీవ్ర రక్తస్రావం జరిగి పిట్స్ కారణంగా మృతి చెందినట్లు పోలీసులు భావిస్తున్నారు.

మైనర్ బాలిక మృతి చెందిన వెంటనే యువకుడు పెద్ద మనుషులకు సమాచారం ఇవ్వగా వారు పోలీసులకు జరిగిన విషయాన్ని తెలియజేశారు. వెంటనే నల్గొండ టూ టౌన్, వన్ టౌన్ పోలీసులు ఘటన స్థలానికి చేరుకొని యువకుడిని అదుపులోకి తీసుకున్నారు. సంఘటన స్థలాన్ని నల్గొండ డిఎస్పి శివరాంరెడ్డి, వన్ టౌన్ సిఐ రాజశేఖర్ రెడ్డి, ఎస్ఐ సైదులు పరిశీలించారు. జిల్లా ఎస్పీ శరత్ చంద్ర పవర్ టూ టౌన్ పోలీసుల అదుపులో ఉన్న యువకులతో సంఘటన ఎలా జరిగిందని ఆరా తీశారు. గడ్డం కృష్ణతో పాటు ఇంకా ఎవరైనా ఉన్నారా అన్న కోణంలో పోలీసులు దర్యాప్తు చేస్తున్నారు. బాలిక కుటుంబ సభ్యులు ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు