ఘట్ కేసర్, మార్చి 27 (విజయక్రాంతి): ఘట్ కేసర్ సర్కిల్ 6వ డివిజన్ లోని  ఎన్ ఎఫ్ సి నగర్ చౌరస్తాలో బిఆర్‌ఎస్ పార్టీ నాయకులు బొక్క విష్ణువర్ధన్ రెడ్డి ఆధ్వర్యంలోని మన అక్షయ ఫౌండేషన్ వారు ఏర్పాటు చేసిన చలివేంద్రoను, అలాగే  లాల్ బహదూర్ స్మారక యువజన సంఘం వారి ఆధ్వర్యంలో ఏర్పాటు చేసిన చలివేంద్ర కేంద్రాన్ని మేడ్చల్ ఎమ్మెల్యే చామకూర మల్లారెడ్డి ముఖ్య అతిథిగా విచ్చేసి శుక్రవారం ప్రారంభించారు.

ఈ కార్యక్రమంలో ఘట్ కేసర్ సర్కిల్ బిఆర్‌ఎస్ పార్టీ అధ్యక్షులు బండారి శ్రీనివాస్ గౌడ్, మున్సిపల్ మాజీ వైస్ చైర్మన్ పలుగుల మాధవరెడ్డి, ఘట్ కేసర్ రైతు సహకార సంఘం మాజీ చైర్మన్ లు సార శ్రీనివాస్ గౌడ్, సింగిరెడ్డి రామిరెడ్డి, మాజీ రైతు సహకార సంఘం డైరెక్టర్లు రేసు లక్ష్మారెడ్డి, చందుపట్ల ధర్మారెడ్డి, మాజీ కౌన్సిలర్లు మాజీ ఎంపీటీసీ మేకల నర్సింగ్ రావు, మాజీ కౌన్సిలర్ చందుపట్ల వెంకటరెడ్డి, నాయకులు చందుపట్ల లక్ష్మారెడ్డి, ఎంపాల సుధాకర్ రెడ్డి, లింగస్వామి, బొక్క కృష్ణారెడ్డి, లాల్ బహుదూర్ స్మారక యువజన సంఘం నాయకులు, ఆర్కే శివాజీ యూత్ అసోసియేషన్ సభ్యులు, బిఆర్‌ఎస్ పార్టీ నాయకులు, కార్యకర్తలు  పాల్గొన్నారు.