ఇంతకుముందు ‘నెపోలియన్’, ‘ప్రతినిధి’, ‘కొరమీను’ చిత్రాలతో ప్రేక్షకులకు ఎంతో దగ్గరయ్యారు రైటర్, డైరెక్టర్ ఆనంద్ రవి. ఇప్పుడాయన యాక్టర్-గా, డైరెక్టర్‌గా మరోసారి యూనిక్, ఫ్రెష్, అల్ట్రా న్యూ కాన్సెప్ట్‌తో ప్రేక్షకుల ముందుకు రాబోతున్నారు. ఆచార్య క్రియేషన్స్ బ్యానర్‌పై భోగేంద్ర గుప్త నిర్మిస్తున్నారు. 

ఈ సినిమాకు సంబంధించిన టైటిల్, గ్లింప్స్‌ను మేకర్స్ ఆదివారం విడుదల చేశారు. ఆనంద్ రవి, దివి ప్రధాన పాత్రల్లో నటించిన ఈ చిత్రానికి ‘నెపోలియన్ రిటర్న్స్’ అనే టైటిల్‌ను ఖరారు చేశారు. ఈ మేరకు ఆనంద్ రవి తనదైన స్టుల్లో విడుదల చేసిన డిఫరెంట్ ప్రమోషనల్ వీడియోతో సినిమాపై క్యూరియాసిటీ క్రియేట్ అయ్యింది.  

ఇక ఈ సినిమా టైటిల్ గ్లింప్స్ విషయానికి వస్తే.. ఆనంద్ రవి ఇద్దరితో కలిసి పోలీస్ స్టేషన్‌కు వెళ్లి ఫిర్యాదు చేయడానికి వెళతాడు. ఓ గేదె ఆత్మ సమస్యగా మారిందని పోలీసుతో చెబుతాడు. మరోవైపు ఆనంద్ రవి విజువల్స్‌తోపాటు తను ఏం కంప్లుంట్ చేయాలనుకుంటున్నాడో దానికి సంబంధించిన విజువల్స్‌ను చాలా వేగంగా చూపించారు. పోలీస్ రఘుబాబు సహా అందరూ ఆ గేదె ఆత్మ గురించి మరింత సమాచారం తెలుసుకోవాలనుకుంటారు.

ఇంట్లో కనిపించే పుర్రె ఓ చిన్నారిదని చెప్పటంతో ఇదే సరికొత్త హారర్ సస్పెసన్స్ మూవీ అనే భావన కలుగుతుంది. గ్లింప్స్ చివరలో ఓ పోలీస్ ఆఫీసర్ ఆనంద్ రవితో ఇంతకు ముందే ‘నువ్వే కదా నీడ పోయిందని కంప్లుంట్ ఇచ్చావ్..’ అని అడగటం ద్వారా గతంలో ఆనంద్ రవి తెరకెక్కించిన ‘నెపోలియన్’ సినిమా రెఫరెన్స్‌ను అక్కడ చూపించారు. 

గ్లింప్స్‌లో విజువల్స్ చాలా ఉన్నతంగా కనిపిస్తున్నాయి. బ్యాక్‌గ్రౌండ్ స్కోర్ సన్నివేశాలకు మరింత బలాన్ని చేకూరుస్తోంది. ఆనంద్ రవి, దివి, ఆటో రామ్‌ప్రసాద్, రఘుబాబు, సూర్య పింగ్‌పాంగ్, శ్రవణ్ రాఘవేంద్ర, యాంకర్ రవి, రవివర్మ, మీసాల లక్ష్మణ్ తదితరులు ఇందులో నటించారు. ఈ చిత్రానికి సినిమాటోగ్రఫీ: కార్తీక్ కొప్పెర; సంగీతం: సిద్ధార్థ్ సదాశివుని; రచనా-దర్శకత్వం: ఆనంద్ రవి.