* మూడో రోజుతో ముగిసిన నామినేషన్ల పర్వం..

* చివరి రోజు వెల్లువల నామినేషన్ల దాఖలు

పాపన్నపేట (విజయక్రాంతి): స్థానిక సంస్థల ఎన్నికల ప్రక్రియలో తొలి ఘట్టం ముగిసింది. ఈనెల 27న ఎన్నికల నోటిఫికేషన్ తో మొదలైన నామినేషన్ల స్వీకరణ పర్వం 29వ తేదీతో పూర్తయింది. మండలంలోని 40 గ్రామపంచాయతీల నుంచి నామినేషన్లు దాఖలయ్యాయి. శనివారం చివరి రోజు పెద్ద సంఖ్యలో నామినేషన్లు దాఖలయ్యాయి. 30న నామినేషన్ల పరిశీలన, చెల్లుబాటు అయ్యే నామినేషన్ల జాబితా విడుదల కానుంది. మండలంలోని 40 గ్రామ పంచాయతీలకు మండల పరిషత్తు కార్యాలయంలో నామినేషన్లు స్వీకరించారు. అందుకు కార్యాలయంలో 10 కౌంటర్లు ఏర్పాటు చేశారు.

ఉదయం 10 గంటల నుంచి నామపత్రాలు స్వీకరించారు. మొదటి రోజైన గురువారం సర్పంచ్ స్థానానికి 13 నామినేషన్లు దాఖలు కాగా, రెండో రోజు శుక్రవారం సర్పంచ్ స్థానానికి 25, వార్డు స్థానాలకు 22 మంది నామినేషన్లు దాఖలు చేశారు. చివరి రోజైనా శనివారం సర్పంచ్, వార్డు స్థానాలకు వెల్లువలా నామ పత్రాలు దాఖలయ్యాయి. సర్పంచి స్థానానికి పాపన్నపేట నుంచి ఆకుల మంజుల, లింగంపేట పావని నరేందర్ గౌడ్, లింగంపేట సబిత భూమా గౌడ్ ఆయా గ్రామాల నుంచి తదితరులు నామినేషన్ల దాఖలు చేశారని ఎంపీడీవో విష్ణువర్ధన్ తెలిపారు.