1. ఇతరులపై అన్ ఫిట్ ఫర్ పాలిటిక్స్ అని కామెంట్స్ తగునా?
2. క్లీన్ అండ్ గ్రీన్ ఎనర్జీ పాలసీని ఎందుకు తుంగలో తొక్కారు
3. థర్మల్ పవర్ ప్లాంట్స్ నిర్మాణం రూ.50 వేల కోట్ల బడా స్కాం 
4. ఖర్చులో 30-40శాతం కమీషన్ పొందడానికే పవర్ ప్లాంట్ల నిర్మాణం
5. మాజీ మంత్రి హరీశ్‌రావు

హైదరాబాద్, నవంబర్ 29 (విజయక్రాంతి) : డిప్యూటీ సీఎంగా, విద్యుత్ మం త్రిగా రెండేళ్లు పూర్తయినప్పటికీ భట్టి విక్రమార్కకు తమ శాఖలోని విషయాలపై మీకు ఏమాత్రం అవగాహన లేదని, అలాంటిది ఇతరులను అన్ ఫిట్ ఫర్ పాలిటిక్స్ అని కామెంట్ చేయడం తగునా అని మాజీ మంత్రి హరీశ్‌రావు విమర్శించారు. డిప్యూటీ సీఎం భట్టి విక్రమార్క, మంత్రి శ్రీధర్ బా బుకు కౌంటర్‌గా శనివారం ఒక ప్రకటన విడుదల చేశారు.

విద్యుత్‌పై అసెంబ్లీ సాక్షిగా విడుదల చేసిన స్టేట్ పవర్ సెక్టార్ శ్వేతపత్రం, ఇటీవల విడుదల చేసిన క్లీన్ అండ్ గ్రీన్ ఎనర్జీ పాలసీ--2025, తాజాగా పీపీటీలో ప్రదర్శించిన చెప్పిన విద్యుత్ గణాం కాలు ఒక దానికి మరొకటి పొంతన లేకుం డా ఉన్నాయనే కనీస అవగాహన తమకు ఉందా అని ప్రశ్నించారు. ప్రభుత్వానికి కమీషన్లపై ఉన్న శ్రద్ధ్ద, పాలసీలపై ఉండి ఉంటే.. ఈ పొరపాట్లు జరగవని హితవు పలికారు.

శ్వేత పత్రంలో 2023 నాటికి సోలార్ కెపాసిటీ 6,123 మెగావాట్లు అని, మొత్తం కాంట్రాక్టెడ్ కెపాసిటీ 19,475 అని చెప్పారని గుర్తు చేశారు. మీరు రెండు సంవత్సరాలుగా విడుదల చేసినవి ఏమిటో, ఇప్పుడు చెబుతున్నవి ఏమిటో అందులో కొన్ని మచ్చుకు వివరిస్తున్నాను. క్లీన్ అండ్ గ్రీన్ ఎనర్జీ పాలసీలో కరెంట్ ఇన్ట్సాల్డ్ కెపాసిటీ 5,415 మెగావాట్లు అని, అప్ కమింగ్ 2,474 మెగావాట్లు కాగా మొత్తం 7,889 మెగావాట్లు అన్నారని తెలిపారు.

2023లో 6123 మెగావాట్లు ఉంటే, 2025 నాటికి 5,415 మెగా వాట్లు ఎట్ల్లా అయ్యిందని ప్రశ్నించారు. మీరే ఇచ్చిన క్లీన్ అండ్ గ్రీన్ ఎనర్జీ పాలసీని ఎం దుకు తుంగలో తొక్కారని నిలదీశారు. ఏపీ పునర్విభజన చట్టం ప్రకారం, 1600 మెగావాట్ల ఎన్టీపీసీ పవర్ అందుబాటులో ఉం డగా, ఎన్టీపీసీతో ఒప్పందం చేసుకోకుండా ఎందుకు హడావుడిగా 2400 మెగావాట్ల థర్మల్ పవర్ ప్లాంట్స్ నిర్మాణానికి వెళ్తున్నారని, ఇది రూ. 50 వేల కోట్ల బడా స్కాం అని ఆరోపించారు.

ప్రభుత్వ లెక్క ప్రకారం లోటు 2802 మెగావాట్ల లోటు ఉండాలని, కానీ ప్రస్తుతం 5000--6000 మెగావాట్ల లోటు ఉన్నదని చెబుతున్నారని, ఇది పాలసీ తప్పా, లేక ప్రదర్శించిన పీపీటీ తప్పా అని ప్రశ్నించారు. రాబోయే ఐదేళ్లలో మీరు సాధించవలసింది సుమారు 13,000 మెగావాట్ల సోలార్ ఎనర్జీ ఉండగా, ఎందుకు థర్మల్ ప్లాంట్లంటూ ముందుకు వెళ్తున్నారని, మొత్తం 2400 మెగావాట్ల ప్లాంట్ల నిర్మాణం కోసం చేసే రూ. 50 వేల కోట్ల ఖర్చులో 30-40శాతం కమీషన్ పొందడానికే అని ఆరోపించారు.

మంత్రి శ్రీధర్ బా బు అధికారులు ఏదో రాసి దాన్ని గుడ్డిగా చదివినట్టున్నారని, యాదాద్రి థర్మల్ పవర్ ప్రాజెక్టు కోల్ ట్రాన్స్ పోర్టుకు ఏడాదికి రూ. 803 కోట్లు కావాలని శ్వేతపత్రంలో పెట్టింది మీరే కదా అని తెలిపారు. మక్తల్‌లో పెట్టబోయేది థర్మలా, సోలారా, విండా అనేది చర్చిస్తున్నామని భట్టి విక్రమార్క చెప్పడం హాస్యాస్పదంగా ఉందని ఎద్దేవా చేశారు. కాంగ్రెస్ మంత్రులు ఎంత వింతగా మాట్లాడుతారు అనడానికి మరో ఉదాహరణ అని తెలిపారు.

యాదాద్రి థర్మల్ పవర్ ప్లాంటు ఒక్క మెగావాట్‌కు 8.64 కోట్లు ఖర్చు అయ్యిందని, ఎన్టీపీసీ రామగుండంలో 7.63 కోట్లు ఖర్చు అయ్యిందని శ్వేతపత్రంలో చెప్పారని, ఎన్టీపీసీ ఫేజ్ 2, 2023 డిసెంబర్ 1 నాటికి 3800 మెగావాట్ల పవర్ ప్లాంట్ ఇంకా మొదలు పెట్టలేదని శ్వేతపత్రంలో ప్రకటించి బీఆర్‌ఎస్ మీద ఎందుకు నెపం నెడుతున్నారని ప్రశ్నించారు. రేవంత్ రెడ్డి ప్రభుత్వం ఏర్పాటు చేశాక 800 మెగావాట్లకు మీరు అగ్రిమెంట్ చేసుకొని, మి గతా 1600 మెగావాట్లు అక్కర్లేదని చెప్పింది నిజమా, అబద్దమా అని నిలదీశారు.

మహిళా సంఘాలకు వెయ్యి మెగావాట్ల సో లార్ పవర్ ప్లాంట్లు అప్పగిస్తాన్న ప్రకటనలు ఎక్కడి దాకా వచ్చిందని ప్రశ్నిస్తే సమాధానం చెప్పకుండా దాటవేసి, ప్రతిపక్షాల మీద బురద చల్లడానికి ఉపయోగించుకున్నారని మండిపడ్డారు. బాధ్యతాయుతమైన పదవుల్లో ఉంటూ ప్రజలను తప్పుదోవ పట్టించడాన్ని, ప్రతిపక్ష నాయకులపై దురుసుగా మాట్లాడే పద్దతిని మార్చుకోవాలని హితవు పలికారు.