‘గేమ్ చేంజర్’ సినిమాలో రామ్‌చరణ్ పాత్ర చిత్రీకరణ పూర్తవడంతో ఆయన తర్వాత సినిమా పనులు వేగం పుంజుకుంటున్నాయి. వృద్ధి సినిమాస్, సుకుమార్ రైటింగ్స్, మైత్రీ మూవీ మేకర్స్ కలిసి నిర్మించనున్న ఈ సినిమా కోసం దర్శకుడు బుచ్చిబాబు సానా రెండేళ్ళుగా కథ, కథనాలపై కసరత్తులు చేస్తున్నారు. ఎ.ఆర్. రెహమాన్ స్వరకల్పనలో ఈ చిత్రం ప్రాణం పోసుకోనుండగా, ఇప్పటికే ఆయన మూడు పాటలను సిద్ధం చేసినట్టు సమాచారం. కాగా చిత్రీకరణకు కూడా ముహూ ర్తం ఖాయం చేశారట చిత్ర దర్శక నిర్మాతలు. ‘పెద్ది’ పేరు పరిశీలనలో ఉన్న ఈ సినిమా సెప్టెంబరులో సెట్స్ మీదికి వెళ్ళనుందిట. ప్రస్తుతం హీరో రామ్ చరణ్ ఆ పాత్ర కోసం తనను తాను సిద్ధం చేసుకుంటున్నారు. గ్రామీణ నేపథ్యంలో తెరకెక్కనున్న ఈ సినిమాలో ఆయన గుబురు గడ్డం, మీసాలతో కనపడనున్నట్టు తెలుస్తోంది. ఇదిలా ఉంటే.. ఈ నెల 28 నుంచి ‘గేమ్ చేంజర్’ మూడు రోజుల పాటు జరు గనుందిట. తర్వాత కొంత విరామం తరవాత మరో 9 రోజుల చిత్రీకరణతో ఈ సినిమా షూటింగ్ పూర్తి కానుంది.