1. ప్రియుడి మృతదేహాన్ని పెళ్లిచేసుకున్న ప్రియురాలు
2. నాందేడ్‌లో పరువు హత్య
3. హత్యకు నిరసనగా యువతి నిర్ణయం

ముంబై, నవంబర్ 30: కులం కట్టుబాట్ల పేరుతో ఓ యువకుడిని దారుణంగా హత్య చేసిన ఘటన మహారాష్ట్రలోని నాందేడ్‌లో చోటుచేసుకుంది. అందుకు ప్రతిగా మృతుడి ప్రియురాలు సంచలన నిర్ణయం తీసుకున్నది. ఈ దురంతానికి ప్రతిగా, ప్రియురాలు అంత్యక్రియలకు ముందే శవంతోనే పెళ్లి చేసుకుని అందరినీ ఆశ్చర్యపరిచింది. ‘ మా ప్రేమే గెలిచింది. వారే ఓడిపోయారు. నేను నా ప్రియుడి ఇంట్లోనే కోడలిగా నివసిస్తా’ అని ప్రియురాలు ప్రతిజ్ఞ చేసింది.

  నాందేడ్ కు చెందిన ఆంచల్, సక్షమ్ తాటే అనే యు వకుడిని మూడేళ్లుగా ప్రేమిస్తోంది. సక్షమ్ వేరే కులానికి చెందినవాడు కావడంతో, ఈ వివాహం ఆంచల్ కుటుంబ సభ్యులు అంగీకరించలేదు. ఆంచల్ తండ్రి, సోదరుడు కలి సి సక్షమ్‌ను దారుణంగా కొట్టి, తలపై కాల్చి, ఆపై రాయితో మోదీ చంపేశారు. ఈ క్రూరమైన హత్యను చూసి పోలీసులు కూడా ది గ్భ్రాంతి చెందారు. ఈ విషయం తెలుసుకున్న ఆంచల్, ప్రియుడి మృతదేహాన్ని చూ డడానికి అతని ఇంటికి చేరుకుంది.

అక్కడ అంత్యక్రియల కంటే ముందే సక్షమ్ మృతదేహం పక్కన కూర్చుని, తన చేతులకు పసు పు రాసుకుని, ప్రియుడి వేలితో తన నుదుట సింధూరం పెట్టుకుని వివాహం చేసుకుంది. “వారు గెలిచామని అనుకుంటున్నారు, కానీ మా ప్రేమ గెలిచింది. నా తండ్రి, సోదరుడు ఓడిపోయారు. మా ప్రేమకు చావులేదు,” అని ఆంచల్ భావోద్వేగంతో చెప్పింది.

ఆమె సక్షమ్ కుటుంబంతోనే ఉంటానని నిర్ణయించుకుంది. తన ప్రియుడిని చంపిన వారిని ఉరితీయాలని ఆమె డిమాండ్ చేసింది. ఆ తర్వాత ఆమె జీవితాంతం అతని భార్యగా అతని ఇంట్లోనే నివసించాలని నిర్ణయించుకుంది. ఈ కేసులో పోలీసులు ఆరుగురు నిందితులను అరెస్టు చేశారు, ఇందులో ఆంచల్ తండ్రి, సోదరుడితో పాటు ఒక మైనర్ కూడా ఉన్నట్టు నాందేడ్ ఎస్‌ఎస్పీ తెలిపారు.