ఉచిత వైద్య శిబిరానికి విశేష స్పందన

బేల,(విజయక్రాంతి): రాష్ట్ర ప్రభుత్వం ప్రతిష్టాత్మకంగా చేపట్టిన ప్రజా పాలన ప్రగతి ప్రణాళిక కార్యక్రమంలో భాగంగా బేల మండల కేంద్రంలో స్థానిక ప్రాథమిక ఆరోగ్య కేంద్రంలో నిర్వహించిన ఉచిత వైద్య శిబిరానికి మంచి స్పందన లభించింది. వివిధ గ్రామాల నుండి ప్రజలు ప్రాథమిక ఆరోగ్య కేంద్రానికి చేరుకొని తమ పేర్లను నమోదు చేసి, ఆరోగ్య పరీక్షలు చేయించుకుని ఉచితంగా మందులను తీసుకెళ్లారు.

ఈ కార్యక్రమానికి ఐ.కె.పి, పంచాయతీరాజ్, ఆరోగ్య శాఖల సిబ్బంది సహకరించారు. ఈ సందర్బంగా స్థానిక పి.హెచ్.సి మెడికల్ ఆఫీసర్ డాక్టర్ వంశీ కృష్ణ మాట్లాడుతూ రాష్ట్ర ప్రభుత్వం ఆదేశాల మేరకు ప్రజా పాలన ప్రగతి ప్రణాళిక 99 రోజుల కార్యక్రమంలో భాగంగా ఈ  ఉచితంగా వైద్య శిబిరం ఏర్పాటు చేయడం జరిగిందన్నారు. అవసరం ఉన్న రోగులకు మెరుగైన వైద్యం కోసం రిమ్స్ ఆసుపత్రికి సిఫార్సు చేయడం జరుగుతుందన్నారు.